أحدث الوصفاتالساندوتشات والمعجنات

《فطيرة الأجبان》

《فطيرة الأجبان》

مساء الخير .. اليوم كان فطورنا هالفطيرة الأنيقة ال #لذيذة_لذاذة_اللذوذين_كلهم😋👌

اعتمدت وصفة المعجنات الكلاسيك البسيطه .. العجينه تبكي من الطراوة 😋👌🏻

◾المقادير بالاكواب القياسية:

  • ٣ كوب طحين متعدد الاستعمالات
  • نص م.ص ملح
  • ١ م.ك سكر
  • ١ م.ك حليب بودرة
  • ١ م.ك خميرة فورية
  • ٣ م.ك زيت زيتون
  • كوب ونص ماء دافيء

طريقة التحضير

🔹️خلطت جميع المقادير باليد (ماعدا الماء والخميرة) وفركتهم تمام

🔹️اضفت الخميرة وخلطتها معهم بعدين شغلت العجانه واضفت الماء بالكامل مرة وحده

🔹️وخليتها تنعجن حوالي ٣ دقايق

🔹️حسيتها رخوة حيل .. قمت ذريت عليها طحين حوالي ملعقتين كبار لما تماسكت حوالين نفسها وكملت عجن

🔹️طلعتها وكورتها وحطيتها بطبق مدهون زيت وغطيتها نايلون يمكن ساعه إلا ربع كنت مستعجل شوي

🔹️ونفس الفيديو .. قسمتها نصين .. فردت النص الاول وبالشوكه سويت ثقوب ودهنت طبقه رقيقه حيل من خليط مايونيز وكاتشب

🔹️فردت خليط الاجبان (موزاريلا وتشيدر وصفرا هولندية وبارميزان) ومعاهم رشة نعناع ناشف وزعتر ورق ناشف ورشة زيت زيتون

🔹️وغطيتهم بنص العجينه الثاني وسكرتها وايضا سويت ثقوب بالشوكه ودهنتها بيضه مخفوقه بشوي ماء

🔹️رشيت بابريكا وسمسم وحبة البركه وعالفرن المحمي مسبقا .. الرف بالوسط .. حرارة ٢٠٠ .. من تحت فقط

🔹️بس اشقرت خففت النار اللي تحت عالااااخر ورفعت الرف والصينية لفوق شوي .. واشعلت الفرن من فوق لما تحمرت وبالعافية 😊👌🏻

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى