《غريبة كلحه》
.
الغريبه من الحلويات المحببه في عيد الفطر بالذات والكل قام يعرفها ويبدع فيها وصار في منها غريبة خليجية بطحين النخي او الحمص والبدائل كثيييرة
.
الوصفه مو اختراعي ولا اختراع اي احد .. لانها شي معروف ولكن اقدمها لكم باسلوب سهل وان شالله يعجبكم وتجربونها لانها فعلا #لذيذة_لذاذة_اللذوذين_كلهم😋👌
.
◾المقادير: انصحكم باستخدام الميزان لكن اللي ماعنده ومو ناوي يشتري بكتبها بالاكواب لكنها موو بنفس دقه الوزن
.
🔸️٤٠٠ جرام من الطحين الابيض متعدد الاستعمالات .. مايعادل كوبين ونص الى كوبين وثلاث ارباع
عندكم امكانية استبدال نص كوب طحين بطحين النخي او الحمص
.
🔸️٢٠٠ جرام من السمنه .. ما يعادل كوب
اذا حبيتوها باللوتس شيلو ربع كوب من السمنه واستبدلوها بزبدة اللوتس
.
واللي يحب يبدل الكمية كامله بزبدة عادية .. ما انصحه لانك بتحتاج كنية اكبر من مئتين جرام .. خلك عالسمنه النباتية ابرك لك
.
لاحظو قوام السمنه متماسك وطري !! انتبهو ابداااا لاتحطونها سائله ابداااااااا
🔸️١٠٠ جرام سكر بودرة .. مايعادل نص كوب الى ثلاث ارباع الكوب
.
🔸️٢ م.ك زيت نباتي وممكن استبدالها بالشيرة بس الزيت احسن
.
🔸️١ م.ص مطيبات .. انا حطيت محلب .. في ناس تحط هيل او فانيلا وهلم جرااا
.
◾الطريقة:
.
🔹️بالخفاقه نخلط السمنه والسكر والمطيبات تررررررررررر
.
🔹️نضيف الطحين على دفعات لمن تتماسك وتصير عجينه طرية وقابلة للتشكيل
.
🚩 اللي يمشي عالاكواب انتبه لاتحط كل الطحين مرة وحده .. احتمال ماتحتاجه بالكامل لان قياساتك غير دقيقه نفس الميزان
.
🔹️نكور العجينه ونغطيها وندخلها الثلاجه ربع ساعه بسس
.
🔹️نطلعها ونشكلها حسب الرغبة وندخلها فرن محمي مسبقا من تحت فقط حرارة ١٦٠
.
🔹️يمكن تحتاج من سبعه لعشرة دقائق فقططط وماله داعي نحمرها لانها بتنشف وبالعافية 😊👌🏻
.
#غريبة_كلحه #حلويات_كلحه #وصفات_العيد_كلحه #رمضان_كلحه_٢٠١٨
.
#٢٠١٨_كلحه
المصدر
