《خبز البيت التركي》
.
هاليومين مزاجي انزل وصفات بنص الليل 😜
.
هذا الخبز مشهور بتركيا .. ويعتبر شي اساسي يسوونه بشكل يومي .. خصوصا القرويات وربات المنازل .. ويعتبر خبز سهل وسهولته لانه مايحتاج عجن كثير .. والعجينه سهل التحكم فيها … خل اقولكم
.
ممكن ناكله ساده وممكن يكون عليه توبنغ اجبان لحوم او اي شي … وبسبب انه مانعجنه كثير ولانه مافيه زيت فتلاقون قوامه يشبه الصمون لكن انشف منه شوي وفراغاته كبيرة
.
#فطاير_كلحه #محمد_الكلحه
.
◾مقاديره اساسية .. طحين وماء وسكر وخميرة وملح وبسسس
.
🔹️نص كيلو طحين متعدد الاستعمالات
🔹️كوب ونص ماء دافيء
🔹️١ م.ك خميرة
🔹️١ م.ص ملح
🔹️١ م.ك سكر
.
🔸️نخلطهم باليد وتسوي حفرة وننزل الماء بالنص ونبدأ نخلط باليد لما تلم العجينه على بعض
.
🔸️نبدا نعجنها باليد او مكينه لغاية ما تلم على بعض وماتلزق باليد
.
🔸️ننقلها على طبق مدهون زيت (بس بشكل وفير شوي) .. لاحظوا ماحطينا زيت بالعجينه بس حطيناه اثناء التخمير
.
🔸️بعد ساعه نطلعها ونفردها مثل ماشفتوا باليد ونشدها بايدنا عادي علشان تاخذ الشكل اللي نحبه .. ما راح تتقطع لاتحاتون
.
🔸️نغطيها ترتاح ربع ساعه وبعدها ندهنها خليط (صفار بيضه وربع كوب زيت زيتون)
.
🔸️نرشها سمسم وحبة البركه وعالفرن يكون حاااااااامي ٢٣٠ درجه
.
🔸️الرف بالوسط والنار تحت فقط .. وبس تحمر من تحت نطفي النار ونشعل فوق نحمرها وبالعافية😊👌🏻
.
.
#٢٠١٨_كلحه
#فطاير_كلحه #فطاير_الكلحه
