《تشيز كيك سان سباستيان》
.
انا بالفيديو سويت نص المقادير لان القالب صغير
.
◾بس المقادير المكتوبه تحت لقالب ٩ انش او ممكن ١٠ انش
.
.
🔹️كيلو جبن كريمي يعني ٥ علب فيلادلفيا (كيلو يعني ألف جرام) او مايعادلها من اي جبنه ثانية (كيري او هيريتيج)
.
🔹️كوب وثلثين سكر بودرة او سكر عادي بس ناعم الحبيبات مو خشن مال شاي الكشري
🔹️٧ حبات بيض + ملعقه صغيرة فانيلا سائلة
.
🔹️كوبين كريمة سائلة (كريمة الخفق)
🔹️ربع كوب طحين
.
◾الطريقة:
.
🔸️باستخدام مضرب التقليب وليس الشبكي
نخلط الجبن والسكر عالاقل ٣ دقايق ترررررررر لازم يصير الخليط ناعم املس والسكر ذايب
.
🔸️نضيف البيض بالتدريج والمكينه شغاله (حبه حبه) وبالاخر نضيف الفانيلا ونوقف المكينه بعد الفانيلا
.
🔸️على جنب نخلط الكريمه السائلة والطحين جيداااا بحيث نتأكد الطحين ذاب بالكريمه
.
🔸️نشغل المكينه ونضيف خليط الكريمه والطحين ونخلطهم تررررررر بس لاتبالغو بالخلط بهالمرحله يعني يادوبك بس يتمازجو
.
(ملحوظة مهمه: اذا حسيتو الطحين ما ذاب بالكريمه صبوه بمنخل نفس ما انا سويت)
.
🔸️نجيب قالب وندهنه زبدة ونبطن القالب بورق الزبدة بشكل عشوائي نفس الفيديو
.
🔸️نصب خليط الجبن بالقالب وندخله الفرن
.
🔸️الفرن يكون محمي مسبقا حرارة ١٩٠ .. ونشعل بسسس من تحت .. لمدة (نص ساعه)
.
🔸️بعدين ننزل الحرارة ١٨٠ ونشعل الفرن من فوق مع تحت بس من فوق يكون عالخفيف الشعله
.
🔸️نخليها بالفرن تكمل عشرين الى ثلاثين دقيقة .. يعني مجموع ماتقعد بالفرن مابين ٥٠ دقيقه الى ساعه حسب قوة فرنكم
.
🔸️اللي بتشوفونه ان الكيكه منتفخه ومرتفعه وصارت سوداا 🖤 متماسكه من الحواف وطرية شوي من الوسط
.
🔸️نطلعها بهاللحظه ونخليها عالطاوله تبرد تماما وندخلها الثلاجه عالاقل ٤ ساعات او طول الليل
.
🔸️وتالي نطلعها ونفك القالب ونقصها وتاكلونها بالعافية 😊👌🏻
.
#محمد_الكلحه #سان_سباستيان_كلحه #حلويات_كلحه #تشيز_كيك_كلحه
.
.
#٢٠١٨_كلحه
