《بيتي فور الكلحه》
.
مراحب احبتي ⚘ نزلت لكم الوصفه علشان العيد قرب ويمديكم تسوونها .. والمعمول اليوم راح اطبق الوصفه باذن الله وانزلها
.
◾المقادير بالاكواب القياسية:
.
🔹️كوب وربع زبدة طرية جداااا (٢٥٠ جرام)
🔹️كوب سكر بودرة
🔹️بيضة واحده
🔹️فانيلا سائلة
🔹️٢ كوب طحين ابيض
🔹️فارماسيلي وفستق للتزين
.
⚠️ اللي يحبها بالكاكاو … يشيل ربع كوب من الطحين ويستبدله بربع كوب كاكاو بودرة خام مر .. مو نستله ولا جالاكسي .. مااااينفع
.
◾الطريقة:
.
🔸️نركب المضرب الشبكي ونضرب الزبدة والسكر ضربا مبرحااا تررررررررررر مع نراعاة نوقف المكينه كل شوي ونمسح الحواف لضمان اختلاط كل الكمية (حوالي ٣ دقايق)
.
🔸️ننزل البيضه والفانيلا وايضااا نضربهم 👊 مع خليط الزبدة والسكر (أحسن يستاهلون 😌) حوالي دقيقه
.
🔸️الحين نركب مضرب التقليب ونضيف الطحين مرة وحدة ونخلط تررررررررر (عالاقل دقيقتين متواصل) .. اول دقيقه على سرعه متوسطه بعدين عالية
.
🔸️العجينه صارت جاهزة .. نحطها بكيس التزيين والباقي واضح بالفيديو
.
ندخل الصينية بالوسط على حرارة 170 من فوق وتحت .. حدها حدها عشر دقايق بس
.
والافضل بعد 7 دقايق تطلون عليها .. اذا من تحت استوت .. مو لازم تتحمر ترى .. هذي مو بسكوووت
.
واذا كانت من فوق شبه طرية .. طلعوها لا تنطرونها تنشف وتجيبون العيد .. بعد باقي يومين للعيد ماله داعي الاستعجال 😂 لانها راح تنشف بس تبرد وتكون ترررررررفه 😍
.
وبالعافية وكل عام وانتم بخير 😘🌹
.
.
#رمضان_كلحه_٢٠١٨
#٢٠١٨_كلحه
