《بسبوسة بالقشطة والوايت تشوكليت》
.
من اطيب واسهل البسابيس كلهم .. لمسات بسيطه ترفعها لفووووق عشر طوابق 😍
.
فعلا انها #لذيذة_لذاذة_اللذوذين_كلهم😋👌
.
◾المقادير:
.
🔸كوب سميد ناعم (يعني لاخشن ولا بودرة)
🔸ثلاث ارباع كوب حليب بودره
🔸نص كوب سكر ناعم الحبيبات
🔸ملعقة كبيرة باكنج باودر
🔸ملعقه وسط فانيليا سائل
🔸علبه قشطه عاديه معدن تجي حوالي ثلاث ارباع الكوب القياسي
🔸ثلاث ارباع كوب زيت نباتي وممكن نحط نص كوب
🔸ربع كوب جوز هند مبشور جاف (اختياري)
🔸️ملعقه صغيرة فقط طحين
.
◾الحشوه :
.
🔸نص لتر حليب سائل وثلاث ملاعق كبيرة نشا وسكر حسب الرغبة نذوبهم عدل بعدين نحطهم عالنار وعليهم ربع كوب شوكولاته بيضا سادة .. تحريك مستمر على نار متوسطه
.
🔸️اول ما يبدأ يثقل شوي بس مو عالاخر نضيف عليهم ملعقه وسط زبدة وعلبة قيمر معدنية وهااات ياتحريك عالنار لما كل شي يذوب وتثقل شوي نطفي النار ونتركها تبرد
.
◾الطريقه :
.
🔹نخلط المكونات الجافه مع بعض
🔹ثم نظيف الزيت والقشطه العاديه مع بعض نخفف الخليط بشوي ماء
🔹نجيب صينيه ندهنها بزيت او هرده ونحط فيها نص الخليط ونوزعه ثم نفرد القشطه بدون ما تلمس الاطراف
🔹نخفف الخليط الباقي من البسبوسه بالماء علشان يصير لين شوي ويكون سهل نصبه ونوزعه على طبقة القشطه
.
بس ترى انا ماخففته .. اللي صعب عليه يفرد الطبقه الثانية العلوية خل يخففها شوي
.
🔹ندخلها الفرن من تحت على حرارة ميه وثمانين لمدة عشرين دقيقه ثم من اعلى لين يتحمر الوجه نطلعها ونسقيها بالشيره (والشيرة دافية مو بارد ولا سااااخنه)
.
ونتركها تبرد ونزينها حسب الرغبة وبالعافيه 😊👌
.
.
