محشي بطاطس
وش أكثر انواع المحاشي تفضلون؟ 🤤
مكونات الحشوة:
- ربع كوب زيت زيتون
- فصين ثوم مهروس
- حبتين بصل مفروم
- حبتين طماطم مفرومة
- كوبين رز مصري منقوع في موية حارة نص ساعة
- ملعقة ملح + ملعقة صغيرة كمون + نص ملعقة صغيرة بهارات مشكلة
- نص كوب عصير ليمون
- ثلث كوب دبس الرمان
- بقدونس + نعناع طازج مفرومين
طريقتها:
نحمس البصل والثوم لما يذبلون ثم نضيف الطماطم ونقلبه لما يذبل ثم نضيف الرز والبهارات والملح والليمون ودبس الرمان ونحرك ونتركها تتسبك 5 دقايق ثم نرفعها من النار ونضيف البقدونس والنعناع
مكونات المرق:
- ربع كوب زيت زيتون
- فصين ثوم مهروس
- بصل مفروم
- ٣ حبات طماطم مطحونة
- ملعقة صغيرة بهارات مشكلة + نص ملعقة صغيرة كمون
- ملعقة معجون طماطم
- مكعبين مرقة دجاج
- ملح
- ربع كوب عصير ليمون او اكثر حسب الرغبة
- ملعقتين دبس الرمان او اكثر حسب الرغبة
- ٥ اكواب ماء حار
طريقته:
نحمس البصل والثوم في الزيت لما يذبلون ثم نضيف الطماطم والبهار وباقي المكونات والماء ونتركه يتسبك 5 دقايق بعد كذا ناخذ قدر الضغط الكهربائي ونصب في القاع زيت زيتون ونصف حلقات طماطم عشان ما يحترق معنا الخضار من تحت ونحشي انواع الخضار اللي نحبها بالحشوة ونصفها ونحط فوقهم صحن زجاج ونضغط القدر 35 دقيقة على خيار اللحم وبس والله يقدم مع ليمون وبالعافية 🤤🤍
( ملاحظة: طبعا الحشوة والمرق كميتهم كبيرة في حال تبون كمية اقل تقدرون تقللون المقادير للنص )
