ﻻزه هو صوص فلفل الحار شطه البخاري هو في شكلين شكل بالفلفل الطازه و الثاني ب الفلفل المجفف اليوم سويت ب فلفل الطازه
لازه بالفلفل الطازج
المقادير
- رأسين ثوم
- ربع كيلو فلفل أحمر حار
- حبه طماطم صغير
- كاسا زيت نباتي
- ملح
طريقة التحضير
اول شي افرمي الثوم في الفرامه
بعدها افرمي الفلفل الطازج الاحمر مع حبة طماطم و سخني الزيت في القدر وحمري في الزيت ثوم الين ما يشقر على خفيف
و ضيفي الفلفل و ملح و خليه في النار تقريباً ربع ساعه
الزيت حسب رغبتك اذا كثير او قليل بعد ما يبرد حطي في البرطمان و احتفظي في الثلاجه
في ناس يحطو على الفلفل الطازه بصل محمر يعني بعد ما تحمري البصل و تحطي الثوم الين ما يحمر و تحطي الفلفل
و في ناس يحطو في الاخير شوية خل و انا ما ازود في المكونات 👍🏼 و الازه بالفلفل الطازه يكون الزيت كثير افضل لانو الزيت الى ما يخلي الفلفل يخرب يعني بعض الاحيان تحطي الفلفل في الثلاجه يقطن من فوق و يبدا يخرب لكن الزيت كثير ما يسوي كذا او تسكبي فوقه شويه زيت زيتون يكون تمام
