عروسة الشهر هذا ” كيكة الحليب ”
اخذت شعبيه وتطبيقات هائلة على سنابي .. صدق او لا تصدق .. هذي ممكن تكون من الذ الوصفات الي راح تعملها 😍✌🏻 ___________________________
الطريقة:
كيكة الحليب :
اولا صوص الحليب =
كوبين حليب / علبه حليب مكثف محلى / علبه حليب مبخر ( بوني )
ثانيا المقادير الجافه =
ننخل كوب ونص دقيق مع ملعقه صغيره بكين بودر
ثالثا بالعجانه =
اصباع زبده ١٠٠ غرام بحراره الغرفه نخفقه بحديدة الخفق لين يصير ناعم / نضيف كوب السكر ونخفق لين يتجانس / نضيف ٥ بيضات وملعقه صغيره فانيلا ونخفق لين يتجانسو صح / نبدء نضيف الخليط الجاف على ٥ دفعات كل مره نضيف ونخفق الخليط
رابعا الفرن =
الفرن قبل ما نبدا بالوصفه نحطه على ١٨٠ درجه او ٣٥٠ فرنهايت نحميه / نجيب بايركس مرتفع ونبخه بالزيت / نحط الخليط عليه وندخله بالفرن ٣٠ دقيق النار من تحت
ملاحظات مهمه :
١- الخليط لو كان قليل انتبه على الفرن لا ينتفخ عليك
٢- خل الكيك تبرد تمام قبل عمل اي خطوه قادمه
خامسا :
نعمل شقوق بالشوكه ونصب صوص الحليب على الكيكه ونتركها نص ساعه
سادسا :
نعمل كريمة الخفق / كوب ونص كريمة خفق مع كوب الا ربع سكر / نخفقهم لين يثقلون ويصيرون كريمه ندهن بيهم الكيكه وندخلها الثلاجه تمسك ( ٦ ساعات حلوه ) وعوافي يالحبايب.. لا تنسوا اخوكم من دعواتكم .. ولايك لو عجبتكم ❤️ _____________________
#شيف #حلويات #كيك #لقيمات #وصفات #وصفات_سهلة #تصويري #نيكون #كانون #الخبر #الظهران #الرياض #جده #كبسه #نكت #ضحك #مطاعم_الخبر_والدمام #مطاعم_الدمام #khobar #dammam #البحرين ##مطاعم_الخبر #مطاعم_البحرين #مطاعم_جدة #مطاعم_الكويت #كيكة_الحليب #foodporn #foodie #مندي #رز
