كومبير

طريقة التحضير

نغسل البطاطس ونخرمها بالسكين بعدين ندهنها بزيت زيتون ونتبلها بالملح ونلفها بالقصدير وعالفرن على حرارة عاليه ساعة ونص لين تستوي البطاطس

بعد ماتستوي نفتحها من النص ونهرس البطاطس مع قطعة زبدة وملح وفلفل وموزريلا
بعدين نحشيها بالمكونات اللي تفضلوها ( حطيت ذرة وفاصوليا حمرا وفطر وسلطة برغل وخضار بالمايونيز ومخلل )
بعدين نضيف كاتشب ومايونيز

طريقة سلطة البرغل التركية
ننقع كوب برغل بكوب مويه حارة
نحمس بصل بزيت زيتون لين يذبل بعدين نضيف معجون فلفل ونحمس
نضيف ملح وفلفل اسود ونشيله من النار ونحطه على البرغل ونخلطهم مع بعض
نضيف بصل اخضر وبقدونس ونعناع ودبس رمان وممكن ليمون

طريقة الخضار بالمايونيز :
نخلط مايونيز وزبادي وملح وفلفل وليمون بعدين نضيف خضار مجمدة نكون سالقينها من قبل ونخليها بالثلاجة ساعة ونستخدمها