كروك مدام
✨🤍 ويا مساء الخير
وصفة اليوم كروك مدام واحد من الذ السندوتشات الفرنسيه الرهيبه لذيذ لذييييذ ياجماعه ضروري تجربوه 😍🤤
في البدايه تجهزو صوص البشاميل
في مقلاة ع النار تحطو ملعقه كبيره زبدة الين تذوب تحطو ملعقه كبيره دقيق وتحركو باستمرار الين يتحمص الدقيق شويه ونضيفو كوب حليب سايل ورشة ملح
بعد كذا تاخذو توست تدهنوه بزبدة او زيت وتدخلوه الفرن الين يتحمر او ممكن تحمروه ع المقلاة
وبعد كذا تدهنو التوست بخردل وتحطو شريحه ديك رومي مدخن وشريحة جبن امنتال الفرنسي وتقدرو تصيفو جبن موزاريلا كمان
تقدرو تكتفو بطبقة او تسوو زيي طبقتين واخر شي تحطو البشاميل وتدخلوه الفرن من فوق بس الين تتحمر شويه طبقة البشاميل
وبعد كذا تقلو بيضة عيون وتحطوها فوق طبقة البشاميل مع رشة فلفل مجروش اختياري
وبالعافيه 😍😍
