كرات اللحم السويدية
وصفتنا اليوم كرات اللحم السويدية 🔥😋
المقادير
مقادير اللحم:
- ٥٠٠ جرام لحم مفروم
- بصله صغيرة مفرومة ناعم
- ربع كوب حليب
- بيضة
- ٣م ك بقسماط
- ملح حسب الرغبة
- نص م ص فلفل اسود
- م ص بهارات مشكلة
مقادير الصوص:
- ٣م ك دقيق
- ٣م ك زبدة
- ١م ك ورشستر صوص
- كوب الى كوب ونص مرق دجاج او لحم
- ربع كوب كريمة طبخ
- ملح وفلفل
مقادير البطاطس المهروسة :
- ٤حبات بطاطس كبيرة
- نص كوب كريمة طبخ
- ربع كوب زبدة
طريقة التحضير
نحمس البصل بالزبدة لين يذبل ونخليه يبرد شوي
نخلط البقسماط والحليب والبيض مع بعض بعدين نضيف البصل واللحم المفروم والبهارات
ونعجنهم مع بعض ونكور اللحم ونشويه بالفرن
البطاطس :
نسلق البطاطس ونهرسها ونتبل بملح وفلفل
نضيف الزبدة ونحرك لين تختلط مع البطاطس بعدين نضيف الكريمة بالتدريج
الصوص:
نحمس الدقيق بالزبدة لين يصير لون الدقيق بني
بعدين نضيف المرق ونحرك لين يثقل الصوص
ونضيف الملح والفلفل والورشستر صوص و الكريمة
نضيف كرات اللحم ونخليها تغلي مع الصوص ٥د
ونقدمها مع البطاطس المهروسة
