قرصان باللحم والفقع
سويت لكم قرصان باللحم والفقع اوالكما بطريقه سهله ولذيذه وطعم لايقاوم جربوها 🤤😍👍🏻
المقادير
- زيت زيتون
- بهارات صحيحه
- بصل
- ثوم
- لحم غنم
- بهار مشكل
- كركم
- فلفل اسود
- معجون طماطم
- مويه سلق الفقع
- فقع / كما / ترافل
- بطاطس
- قرع
- باذنجان
- كوسى
- ملح
- قرصان او خبز رقاق
طريقة التحضير
اول شي احمس البهارات الصحيحه مع البصل والثوم
وبعدها احط معهم اللحم الي عندي احمسهم شوي واضيف
البهارات الناعمه واحمس واحط المويه اطبخهم 30 دقيقه
وبعد كذا احط الخضار والفقع لمدة 20 دقيقه وبعد كذا
اضيف عندي القرصان واحركهم سوا لين مايتشرب
القرصان عندي كويس اخليه مده 5 دقايق تقريباً
وبعد كذا نزينه ونقدمه بالشكل الي تحبونه
وبس كذا وعلينا وعليكم بالف عافيه 😍👌🏻
