.
فطاير عالسرييييييع .. اعتمدت عجينه الفوكاتشيا .. بس سويتها بقوالب الكب كيك
.
فطور او سناك لاولادكم بالمدارس .. تعتبر مافيها دهون ابدا والحشوة بسيطه جدا وممكن بدون حشوة .. حالها حال السندويشة بس هذي الذ بمراحل 😋
.
◾المقادير:
.
🔸️٣ اكواب طحين .. ممكن نخلط مع الطحين الاسمر
🔸️٢ م.ص خميرة
🔸️١ م.ص ملح بحري او نص ملح عادي
🔸️١ م.ك سكر
🔸️١ م.ك زعتر مجفف او اي نوع اعشاب عطرية
🔸️٢ م.ك زيت زيتون
🔸️كوب ونص ماء دافيء
.
والله ابد .. حطيتهم بالعجانه فوق بعض طاااخ طيخ .. وسويتهم كرات وحطيتهم بقوالب الكب كيك .. غطيتهم نص ساعه لما تضاعف حجمهم
.
وعالفرن محمي مسبقا حرارة مرتفعه شوي .. من تحت وفوق وسلامتكم
.
انا اضفت اضافه صغيرة:
ذوبت دبس تمر بشوي ماء وغمست طرف كرات العجينه فيه بعدين غمستها بالسمسم
.
الاضافه الثانية اني حشيتها جبن اصفر
.
.
#فطاير_كلحه #محمد_الكلحه
.
#٢٠١٨_كلحه
