شيش برك

.
.
.
.
خلطة الروب اذا من الجميعه
لكل كيلو روب زبادي ملعقة طعام نشا و ٣٣٠ مل ماء
الكبه منحبها بدون قلي منحطها مباشرة بالروب و اذا مثلجه منحطها هي و مثلجه بالروب و في طريقة بتنحط بالفرن ١٠ دقايق يتشغل الفرن من فوق بتنشوى الكبه بعدين بتنحط بالروب و في طبعا طريقة القلي و بينحط عليها الروب كل واحد بيعملها متل ما بحبها وبكل الاحوال طيبه .
وحتى الشيش برك يا اما مباشرة بالروب يا اما بينشوو بالفرن
كبه بلبن ماعز مع شيش برك .
لبن يلي هو روب يلي هو ( زبادي) .
لبن الماعز باللبنيه ما بيفرط ما منحطلو لا نشاء و لا بيض ولا شي .
ما بيفرط هيدا يلي بميز لبن روب الماعز .
امي حطت ٤ كيلو لبن ماعز وحطت ماء نص كمية الروب و حطت فنجان شاي رز مصري مغسول و معلقة ملح .
حركناهم عالبارد و حطيناهن عالنار بدون تحريك ولا شي ما بيفرط بس غلى تركنا يغلي ١٠ دقايق ليستوي الرز و ضفنا الكبب وتركناهن يغلو ربع ساعه بعدين ضفنا الشيش برك وتركنهاهن كمان ربع ساعه .
وضفنا نعنع مقطع اخضر و زبده و بعد ما غلو ربع ساعه من بعد اضافة الشيش برك طفينا النار و منسكب اول شي الكبب والشيش برك بعدين اللبن ( الروب ) .
#كبه_بلبن_فاطمه_كتشن
#لبنيه_فاطمه_كتشن
.
.
مكونات كيلو التحويجه : .
.
نص كيلو كمون حب/ ١٠٠ غرام فلفل حلو /١٠٠ غرام فلفل اسود/١٠٠غرام نعنع يابس /٥٠ غرام فلفل حر احمر/ مردكوش ١٠٠ غرام/ درسين عيدان ١٠٠ غرام /حبتين جوزة الطيب/ كمشة ورد يابس متل يلي بزينو في المهلبيه
منطحن الكمون بعدين والفلفل الحلو بعدين والفلفل الاسود و القرفه ( درسين) و جوزة الطيب
يعني كل نوع منطحنو لحالو
النعنع اليابس بئيدنا و المردكوش اليابس بئيدنا والورد اليابس عئيدنا
نخلط كل انواع البهار وبسير عنا خليط بهار اسمو تحويجه
.
.
#طبخ_شيش_برك_فاطمه_كتشن