” شورو ايس كريم بول ”
الطريقه :
في قدر ع النار نحط نص إصبع زبده + ملعقتين كبار سكر بني + نص ملعقة شاي ملح + كوب مويه ونخليه ع نار متوسطة الارتفاع لما يغلي وتذوب الزبده ثم نقصر ع النار ونضيف كوب طحين ونحرك لمدة دقيقه لما يختلط كويس بعدها نرفعه من النار ونخليه يبرد مدة 5 دقايق ثم نضيف ملعقة شاي فانيلا سايله ونضيف 4 حبات بيض بين كل حبه وحبه نحطها نخلط اول زين ثم نحط اللي بعدها بعد كذا ندهن قوالب الكب كيك من الخلف يعني وهي مقلوبه بزيت ثم نشكل العجينه عليها باستخدام أقماع التزيين وندخلها الفريزر لين تجمد أقل شي 3 ساعات بعدها نطلعها من القوالب باستخدام السكين عشان نقدر نرفعها ونقليها في زيت غزير ومانقلي اكثر من 3 حبات مع بعض والباقي ندخله الفريزر ونقليه كدفعه ثانيه عشان ماتذوب العجينه وتتفكك معنا المهم بعد مانخلص قلي ننشف العجينه زين من الزيت ثم نغمسها في خليط قرفه وسكر بعدها نحط عليها كرة ايس كريم ونصب عليها صوص شوكلاته ذايبه جالكسي او نوتيلا او النوع اللي تفضلون وتنوكل بشوكه وسكين وبالعافيه 💕
