رقاق السمبوسة
الكمية تسوي ٣٠-٤٠ حبة يعتمد عالحجم
المقادير
- كوبين دقيق جميع الاستعمالات
- ربع ملعقة صغيرة ملح
- اضيف عليها كوب ماي تدريجي واعجن لين تتماسك عندي
طريقة التحضير
اغطيها اتركها ترتاح ١٠ دقايق
اقسمها كور متساوية وكل كوره افردها
بعد مافردهم امسح كل طبقة بزيت وارشها بالنشا
واحط فوقها الطبقه الثانيه والثالثه
اما يكونون ٤ حبات مع بعض او ٣ حبات
بعد ماحطهم فوق بعض افردهم رقيق جدا
بعد الفرد اما احطها على صاج حار على النار
اقلبها بسرعه من الجهتين
او فرن ساخن جدا من الجهتين
الخطوة ما اطول تاخذ ثواني لو طولت راح تنشف الاوراق الي على الوجه
بعد ماطلعها من الفرن مباشره افككها
واغطيها لين انتهي من كل الكمية
في النهاية اقطع الاطراف واقطعها بالطول بالحجم الي ابيه
وتحشى باي جشوة وتقلى او تفرزن
عادي نفرزنها بدون لف اي عادي فقط فككي الاوراق من على بعضها وتاكدي ان تفككو بعدها غلفيهم ودخليهم ثلاجة او فريز وبالعافيه
