دَم برياني
معنى دَم ؟! 🧐
برياني بدت من نوعين وصلت اليوم فوق ٧٠ نوع 😃👌 من احلى و اسرع انواع البرياني دَم برياني 😋 لذيذه حيل
المقادير
- لكل ٢ كيلو دجاج
- نعتمد ٢ كيلو رز
- ١ كيلو طماط
- ثوم راسين
- زنجبيل انشين
- زبادي كوبين و نص
- نعناع نص حزمه
- كزبره خضراء نص حزمه
- ( فلفل اخضر اختياري )
- بصل مقلي ٢
كوب بهارات التتببله :
- ملح ١ م ك
- قرم ماسالا ناعم ٢ م ك
- بهارات برياني ٤ م ك
- لون طعام ربع م ص
- للتزين ليمونه صغيره مقطعه شرايح
طريقة التحضير
في خلاط نضرب ثوم زنجبيل و فلفل اخضر سوا ، نقلي بصل على جنب
في زبديه نضيف الدجاج مع بهارات و ملح و ليمون و كزبره و نعناع و زبادي و بصل محمر و نتركه في الثلاجه ل مده ٨ ساعات
بعد ٨ ساعات نسلق رز نص استواء مع بهارات صحيحه ( قرفه عودين ، قرنفل ٦ ، هيل الهندي ٣ ، اوراق الغار ، لومي ٢ ، كربره ١ م ك ) و ملح على حسب الرغبه
و قدر اخر نصب فيه زيت نضيف الدجاج مع التتبيله و عليها شرايح الطماط و عليها رز النص استواء و لون الطعام و نغطي عليه باحكام لين يستوي الرز ( اول ما تغطي بالقصدير نعلي النار ٥ دقايق بعدها على نار واطيه يستوي ساعه ) او اكثر
و بالف عافيه 😋
