دجاج بالكركم سهل و خطير
و معاه رز المبهر
دجاج بالكركم
المقادير
- 9 افخاذ دجاج
- ملعقتين كبيرة مليانه كركم
- فلفل احمر حار بودره حسب الرغبه
- كيس تتبيله مشكله من ماجي
- حبتين بصل مقطع كبار
- حبتين بطاطس مقطع شرائح
- فصوص ثوم بقشره
- فلفل حار حبات
طريقة التحضير
اول شي غسلي الدجاج و بعدها انقعيه في مويه فيلو ملح و خل ابيض ل مدة ربع ساعه
و بعدها ضعي الدجاج في الطاسه و ضعي فوقه الكركم و بودرة فلفل الاحمر و كيس التتبيله و تبلي الدجاج مزبوووط ( ملاحظه : في حال التتبيله صار مره ناشف ممكن تضيفي شووية مويه )
و ضعي الخضار فوق الدجاج و اخلطيهم
و في صينية بايركس رصي الدجاج بحيث يكون جلد الدجاج تحت و ضعي فوق الدجاج الخضار و غطي عليه بالقصدير و ادخليه في الفرن مسخن مسبقا و اتركيه من 45 دقيقه الى ساعه و نار الفرن بس من تحت و على اعلى درجه 👌
و وقت يستوي تتاكدي انو اتحمر الدجاج من جهة الجلد
و وقت التقديم اقلبي الدجاج و رشي عليه كزبره
رز المبهر /
في القدر ضعي الزبده و بهار الحبات ( هيل قرفه قرنفل ورق الغار ) و قلبيهم شويه و ضيفي بصل و ثوم مقطع شرائح و قلبيهم شويه و ضعي فوقه رز المنقوع و اسكبي فوقه مويه مغلي و ضيفي ملح و اتركي الرز يشرب المويه و يوم يبقى قليل جدا من المويه ضعي فوقه جزر مقطع مربعات صغار و بزلاء المثلج و غطيه عليه و اتركيه في النار هادي من 20دقيقه الى نص ساعه
