أحدث الوصفاتالاطباق الرئيسية

حراق اصبعو

حراء اصبعو 🥺🤭
ليشششش ماقلتوا لي جربيها 😭😭
تجنن وربي 😭😭
استخدمت الطحين
الابيض والبر
كوب من كل نوع
و رشة ملح
وملعقتين ك زيت
ومويه ونعجن تقريباً استخدمت كوب الا شوي
المهم تكون العجينة مو لينة بزياده عشان ماتتلصق وتتعبكم ونعجن باليد بدون تعب
وانركها ترتاح نص ساعة

العدس البني اغسله انقعه بمويه ساعه
النوع اللي استخدمته عضوي سريع بالاستواء

اسلقه تقريباً استخدمت كوب عدس عليه خمس اكواب مويه ولما شبه استوى
اضيف له ملح وفلفل ورشة كمون
وثلث كوب تمر هندي (حُمر)

دبس الرمان اختياري لو ذقتوها حامضه مره ضيفوا شوي دبس رمان
وانزل قطع العجين شوي شوي
وازيد مويه كمان عشان تستوي العجينة لاتخلونها عريضه نحيفه شوي عشان تستوي اسرع

واضيف بصل مقلي يزيد الطعم اللذيذ

واحط كمية كويسه من الكزبره واربع فصوص ثوم وكمية زيت زيتون وع النار دقيقه بس تطلع الريحة الجميلة واضيفها عليهم قبل ودقيقتين تغلي كمان وتتقدم

وباقي العجين اقليه للتزيين
لازم تكون رطبه مو ماشفه زي قوام الزبادي تقريباً
ونحط ع الوجه الرمان والكزبرة والخبز المقلي والبصل المقلي

زر الذهاب إلى الأعلى