حراء اصبعو الطريقه من ام عزيز ❤️
مشهورة عربيًا وخاصة في سوريا والتي تشتهر بها مدينة دمشق
اول شي سلقت العدس ( عدس حب بني) ثلاث ارباع استواء.
ونقعت نص ظرف تمر هندي مع ليتر و نص ماء
قليت بصل جوانح حمرتو و فقيت الرمان و قليت الخبز المكعبات .
عملت العجينه : فقط طحين ماء ملح و ريحتا ١٠ دقايق و مديتها رفيعه و اطعتها بالسكين خطوط و بعدين مربعات و منحط طحين منيح عشان لا يلزء العجين مع بعض
بس ستوى العدس ثلاث ارباع استواء تركت ميتو معو و ضفت منقوع التمر الهندي وثلاث ارباع فنجان شاي دبس رمان و فلفل اسود .
تركتن يغلو شوي بعدين ضفت زيت شوي عشان بس نضيف العجين لا يلزء مع بعضو و ضفت العجين حبه حبه و تركتن يغلو ليستوي العجين ويسمك شوي المزيج ضفت ملح .
بمقلايه حطيت زيت زيتون ثوم قليتو شوي بعدين كزبره خضره منقليها دقيقيه ومنطفي .
ضفت عالعدس و العجين التقلايه مع كمشة بصل محمص .
سكبت الحراء اصبعو و زينت بالرمان و الخبز و الكزبره والبصل المحمر.
