أحدث الوصفاتالحلويات

تشيز كيك ياباني

جيز كيك يابانيا

مقادير تكفي 6 اشخاص .

  • 6 ملاعق زبدة (100g)
  • 6 ملاعق جبنة كريمية (100g)
  • نصف كوب حليب (130ml)
  • 8 صفارات بيض
  • ربع كوب طحين (60g)
  • ربع كوب نشا (60g)
  • 13 بياض بيض بيضة
  • ثلاث ارباع كوب سكر (130g)

و بس

طريقة التحضير

يابا شوفو نخلط المكونات كلها ما عدا السكر و بياض البيض.
الخطوة الثانية حتى نسوي مرانك مهمة كلش نخفق بياض البيض اول شي على البطيء 👵بوية دخلي نخفقة على السريع و نخلص ⁦👨🏻‍🍳⁩لا حجية ميصير نبدي على الخفيف حتى تتكون فقاعات صغيرة بل بداية و بعدين نزيد السرعة حتى المرانك مالتنا يكون مستقر و ميفقد قوامة بسهولة 👵كمل كمل خلي نشوف تاليها ويا ملاحظاتك 😒

اوك يابا بعدين نخلي الشكر بالتدريج و نخفق لا أن يصير عدنا قوام لماع و متماسك لا تخفقو كلش هواية بعدين يخرب
هسة نشيل شوية مرانك ربع الكمية و نخلطها ويا باقي المكونات هذي حتى نخفف بيها الخليط و وراها نخلي كل المرانك و نقلب شوية شوية و على كيفنا حتى لا يطلع الهوة بعدين متنفش لا تكولون ما كلي 🙂. 👵 ابني اني مثل امك لا تزعل مني ⁦👨🏻‍🍳⁩كولي حجية 🙂
👵شون كيكة تعبانة هذي بلا بيكن باودر 😒
⁦👨🏻‍🍳⁩ حجية متحتاج بيكن باودر 👵ليش يابا على رأسه ريشه 😒
⁦👨🏻‍🍳⁩هههههه لا بس بس مو خفقنة البيض و صار مرانك صار بي كمية من الهواء جبيرة ف من نخلطها و منطلع الهواء راح تنفش بل فرن و تصير كلش هشة. 👵اممممم وصفات تالي العمر 😒

و بعدين تخليها بل فرن 160 فد 25دقيقة و بعدين انزل الحرارة إلى 140 و تخليها 55 دقيقة و عافيااات يابا
طبعا كلش فرحان بتفاعلكم على البوستات الراحت احس تعبي مراح بلاش 😍😍 فديتي احلى اصدقاء 😍

Chef Shaheen | شيف شاهين

👨‍🍳 Chef | شيف 🗼 Architect | مهندس معماري 🥐 Recipe developer | مطور اكلات 📞00964 772 228 2826 | WhatsApp 📧 [email protected]
زر الذهاب إلى الأعلى