بنجابي آلو قوشت فهمتوا الاسم 🧐طبق جدا مميز و تقدرون تضيفون اي خضرة اخرى 👌لكن دام اسمها الو ف انا اعتمدت الآلو 😁
المقادير
- لكل ٢ كيلو لحم :
- ٣ بصل ابيض مقطع مكعبات
- بهارات صحيحه ( قرنفل ٦ + هيل هندي اسمر + قرفه + اوراق غار ٢ + كمون ١ م ص+ جوزة الطيب نص حبه )
- فلفل اخضر ٣ حبات
- طماط مهروس ٧٠٠ غ
- ثوم زنجبيل معجون ٣ م ك
- بهارات مطحونه ( ١ م ص من : كركم ، كاري بودره , بهارات لحم مشكله انا ضفت قرم ماسالا من شغلي ، ملح )
- زبادي او قشطه ربع كوب
- ماي ١/٢ لتر
- بطاط صغير او العادي ١/٢ كيلو
- فلفل رومي او اب خضرة اخرى ربع كيلو او نص
طريقة التحضير
في قدر اضيف البصل مع بهارات الصحيحه و اقلب لين يذبل البصل ثم اضيف اللحم و اقلب لين يتقمر و عليها اضيف فلفل اخضر و ثوم زنجبيل معجون و اقلب دقيقه ثم اضيف طماط ناعم ( ممكن تضيفون زبادي بالمرحله ) مع ماي و بهارات مطحونه و اقفل عليه لين يستوي اللحم نص استواء بعدها اضيف البطاط و اقفل لين اللحم و البطاط يستوي تمام . اخر شي اضيف فلفل رومي و اقلب كم دقيقه على حسب استواء اللي حابينه انتم ، ثم اضيف قشطه و كزبره مع نص حبة جوز طيب مبشوره و نزين ب زنجبيل
