احلى بسبوسة تشيز كيك بالدارسين رووووعة ضروري تجربونها والاهم سهلة👌
المقادير
- نفس الكوب اي كوب عادي لكن استخدموه لجميع المكونات .
- كوب سميد ناعم او خشن عادي انا حطيت خشن .
- كوب حليب بودر.
- نص كوب سكر.
- نص كوب زيت.
- علبة قشطة ١٧٠ غرام .
- كوب ماء عاد من الفلتر.
- ملعقة اكل دارسين ناعم قرفة.
- نصف ملعقة كاكاو بودر الطبيعي بدون سكر .
وتخلطونهم كل المكونات ما يحتاج لا مكينه ولا شي .
بعدها بماعون بايركس تدهنونه بزبدة شوي وتصلون الخليط .
الفرن يكون حار من قبل على درجة حرارة ١٨٠ نص ساعة.
بعدها علبتين حليب سائل وانا ضفت عليهم علبة حليب مبهر كارنيشن وثلاث ملاعق سكر او ملعقتين وعالنار غلوة وحده .
اول ما تطلع البسبوسة واهي حارة شربوها بهذا الحليب. او يصير شيره اللي اهو القطر .
اخر شي ١٢ حبة جبن كيري او فيلادلفيا علبة مع علبة ٤٠٠ غرام حليب مكثف وبالمكينه وتصبونها على البسبوسة
وبالفرن من فوق عشر دقايق الفرن يكون اقل درجه علشان تتماسك.
بس تبرد رشة دارسين كاكاو بودر وبالعافية واااايد لذيذة 🤤 جربوها وبالعافية.
#وصفة_بسبوسة_تشيز_كيك_نادية_كوك
