أحدث الوصفاتالاطباق الرئيسية

بروستد اسطوري

بروستد اسطوري🤩!
انا دايم في بروستد المطاعم ما اكل الجزء المقرمش لانو عارفه فيه جلد ف ماتكمل المتعه🥺 وقلت اسوي وصفة بروستد بدون جلد😍

٣ مراحل لذيذه وسهله يلا معي👩🏻‍🍳

– المرحله الاولى التتبيلة:
” زبادي او لبن🥛 + ليمون 🍋 + فلفل اسود + بهار مشكل + بودرة ثوم + بودرة بصل + قليل بودرة زنجبيل + بابريكا + شطة حارة اي نوع تحبون سراتشا او كرستال الخ + ملح 🧂” ونخلط 🌪الدجاج عندي حجمه كبير خذيت نص وقسمتها ارباع وشلت الجلد وغسلتها بخل وليمون ثم ماء بارد ونحطها بالتتبيله وعلى الثلاجه كل ماطال الوقت كل ماصارت اطعم😋

– المرحله الثانيه تغطية الطحين:
” كوب طحين + ١/٢ كوب نشاء + وبعض من بهارات التتبيلة اللي هي ( فلفل اسود + بودرة ثوم + بودرة بصل + قليل بودرة زنجبيل + بابريكا + ملح 🧂) ” ونخلط 🌪
⠀⠀⠀
– المرحله الثالثه تغطية البيض:
” بيض + حليب 🥚 🥛 وبعض من بهارات التتبيلة اللي هي ( فلفل اسود + بودرة ثوم + بودرة بصل + قليل بودرة زنجبيل + بابريكا + ملح 🧂) ” ونخلط 🌪

يلا نغطي الدجاج🐔:
” من التتبيله الى الطحين ثم الى البيض ثم واخيرًا الى الطحين ” ونعطيها انتفاضه خطيره😂

| ملاحظات |
⠀⠀⠀
سر القرمشه:
بالمرحله الاخيره ننفّض القطع كويس من الطحين الباقي هذا السر واللي يعطينا تعرجات البروستد👍🏻
⠀⠀⠀
طريقتي بالقلي:
المجموع ٢٥د ( اول ٢د النار عاليه عشان تمسك التغطيه ثم ٨د النار هاديه ثم ٢د عاليه ثم ٨د هاديه ثم آخر ٥ دقايق بين وسط وعالي) لا تحركونه كثير خلوه مع نفسه😂 بس انا بالفيديو جالسه اوريكم التغطيه وكيف صارت 😍🔥
⠀⠀⠀
وبالعافيه عليكم💛
فعلاً كان خُرافي واسطوري ومقرمش ولذيذ وجوسي وطعم نظيف جدًا وعلى الخاطر😋

طريقة الثوميّه 🧄|
” كاس ماء + ٢ م ك نشاء ” نخلطهم اول شيء سوا على البارد ثم نفتح نار متوسطة ونستمر بالتحريك الى مايثقل معنا 👍🏻ونبيه الحين يبرد 🧊 وبحطه بالفريزر ابيه سريع سريع 💨

وفي الخلاط عادي مب إلا مثل حقي ” ٥ فصوص ثوم 🧄 + ٢ م ك زيت زيتون + ١ م ص خل + ٢ م ك مايونيز + ملح + نص عصير ليمونة 🍋 + النشاء اللي سويناه بعد مابرد ” ونخلط 🌪 وعلى الثلاجه يبرد ونقدر نخلي الكميه الباقيه بالفريزر متى مانبيها نطلعها🧄👍🏻

المصدر: @hendabuhaimed

هند أبوحيمد | Hend Abuhaimed

اصور لكم وصفاتي بـ حب ❤️ لإعلاناتكم📥 0550953031 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀ اذكروا والدي حبيبي بـ دعوه 💌 اللهم اجعل قبر عبدالله ابوحيمد روضه من رياض الجنه

اترك تعليقاً

زر الذهاب إلى الأعلى