بخاري دجاج🍚🍗
هالوصفه جدا لذيذه وسهله بطريقة
المبدعه منى قبوري
المقادير
- دجاج مغسول ومنظف عدل ومنقوع في ملح وخل وفلفل اسود وليمون ( تقطعونه حسب ذوقكم)
- كوبين رز مغسول ومنقوع
- ٣ بصل جوانح – ٣ فصوص ثوم مهروسين
- ٣ جزر مقطع شرايح ضعيفه وطويله
- كوب نخي ( حمص)
- ٢ طماط مطحون – ملعقتين معجون طماط
- البهارات الحب ( قرفه- هيل- ورق غار- فلفل اسود – قرنفل- كمون- كزبره) + مكعب مرقه دجاج – ملح
- البهارات البودره( فلفل اسود- كمون- كزبره)
- للحشو: مكسرات مقليه- جزر مقلي- زبيب مقلي – بقدونس
طريقة التحضير
بجدر حطيت زيت وحمرت الدجاج من الصوبين عشان تتحمر بس وشلتها ..وبنفس الجدر حطيت البصل وحمسته مع الثوم والجزر لما اذبلو ضفت البهارات العدله وحمست عدل تالي ضفت الطماط مع معجون الطماط والبهارات البودر ..اخر شي ضفت الماي الحار والملح وبعدها الدجاج اخليه لما يستوي تالي اشيله وادهنه في ( ملعقه كاتشب و ملعقه زيت وملعقه معجون طماط و رشة فلفل اسود) وعالفرن لما يتحمر
واضيف الرز المغسول على ماي سلق الدجاج واخليه يستوي واقدمه مع الدجاج والحشو👌👌😍🤍
