المغربية

المغربيه الها كتير طرق وبكل طرقها طيبه

اكله سهلة التحضير وطيبه وكتير بحبا😋

شتريت المغربيه من مطحنة جوهرة لبنان
ومتوفره باغلب المطاحن .

حطيت زبده وزيت والمطيبات :
ورق غار – بصل – عود قرفه – هيل – فلفل اسود – مسمار قرنفل – ٣ حبات مستكه .
قليت المطيبات دقيقتين و ضفت قطع الدجاج .
قليت الدجاج من الجهتين وضفت ماء مغلي شلت الزفره عن الوج و غطيت عنار هاديه الملح بعد الاستواء .
بطنجره قطعة زبده صغيره قليت المغربيه دقيقتين ضفت ماء حار و رشة ملح و سلقتها ١٠ دقائق .
صفيتا من ميتها .
بطنجره زبده و منقلي البصل حبات صغيره ١٠ دقائق منضيف الحمص المسلوق منقلي ٥ دقائق منضيف البهارات
قرفه – كراويه – فلفل اسود منقلي البهار دقيقه .

منضيف مية الدجاج و المغربيه منعدل الملح و منضيف قطع الدجاج المسلوق و منخلي المغربيه تغلي ١٠ دقايق نار هاديه
اذا بتحبوها ناشفه خلوها عالنار اكتر و اذا بتحبو فيها الصوص لا تخلوها تنشف كتير عالنار .
وصحتين

تصنع حبيبات المغربية
من طحين القمح أو الذرة بشكل حبيبات صغيرة

.المغربيه غير عن المفتول .
. ( المفتول بيتحضر من البرغل و الطحين)

#مغربيه_فاطمه_كتشن
#مغربية_الدجاج_فاطمه_كتشن

هل الفيديو لا يعمل؟ إضغط هنا