الشاورما

لعمل الشاورما خليكم مركزين سهل ولذيذ جدا
بنحتاج 6 ساق مع الجلد
4 صدر بدون جلد
نشيل العظم .. ارتبهم على نايلون واغطيهم واطقهم بالمطرقة لين يصيرون ضعاف مرررة
اجهز تتبيلة عبارة عن
عصير نص ليمونة ونص برتقالة
نص ليمون ونص برتقال مع العصير وشوي ماي في الخلاط
احطهم على الدجاج واحط معاهم
م ص هيل ..م ص كمون .. م ص فلفل اسود .. م ص بابريكا ..م ص كركم .. م ص زنجبيل ..م ص ثوم ..نصف م ص قرفة .. ربع م ص يانسون ..ملح
ونص ك لبن واتركها من 6 ساعات الى يوم
اجيب صبنية واحط فيها قصدير وارتب الدجاج عليها وادهن الوجه بالزيت ضروري
اشغل الفرن على حرارة 400فهرنهايت وادخل لصينية على اعلى رف واتركها لحد ماتتحمر وتستوي طبعا الي عليها جلد بتتحمر اكثر وتكون مقرمشة
اقطعها
احشي الخبز فيها وممكن احط صلصة الثوم او زبادي مع طحينية والخس والمخلل والبطاطس
وراح تاكلون احلى شاورما
بالعافية