قد جربتو الرامن ؟
انا اعشق الاكل الشرق آسيوي وخاصة الياباني والتايلندي .. طريقة المرق خاصة فيا بعد ما اتفرجت فوق ٤٠ فيديو قررت اسويها بلمستي
اول مره اكلت فيها الرامن كان قبل ٣ سنين تقريبا وماكنت مقتنعة انها وجبة وتالا قالتلي ذوقيه ياماما !! ومن بعدها سار ادماني 🥺❤️
اهم نقطة في الرامن المرق !
المقادير
- حبتين تفاح احمر
- حبتين بصل ابيض او اصفر
- راس ثوم
- حزمة بصل اخضر
- ٥ اعواد كرفس
- زنجبيل
- الليك ( الكراث المستورد )
- ١٥ حبة من الفطر المجفف من البقالات الشرق الاسيويه
- اعشاب بحرية مجففة من البقالات الشرق الاسيويه
- صحنين اجنحة دجاج مع الجزر مشويين في الفرن
- ملح وفلفل اسود
- موية بحرارة الغرفة
نضيفهم كلهم في قدر كبير ونرفع النار اول مايبدأ يغلي نهلي النار هادية ونتركهم ٣ ساعات من غير ماتقفل الغطا وبعدين نصفيهم عشان ناخد المرق
**الدجاج تبلته فقط بملح وفلفل اسود وشوية زيت
**نسلق اي نوع مكرونة بملح فقط بس تكون رفيعة
**نحتاج في صحن الرامن :
ملعقة صغيرة معجون فلفل حار او حسب الرغبة
ملعتين اكل صويا صوص
ملعقة اكل خل الأرز
براعم الماش
كزبرة
فلفل تايلندي حار
