.
الجيلاتين .. واتكلم عن الجيلاتين السادة اللي بدون نكهه
.
هو بروتين يستخرج من الكولاجين سواء نباتي او حيواني
.
استخداماته كثيرة .. وبالنسبة للحلويات .. يعتبر مادة مخثرة او مكثفه .. يجي منه بودرة وهو المألوف عندنا وفي منه رقائق شفافه
.
غالبا بوصفات الباناكوتا عموما والتشيز كيك البارد وغيرهم كثيييير
.
واللي يكون مصدره حيواني يكون مكتوب عليه يا اما
.
Porcine يعني من الخنزير أجلكم الله
.
Bovine يعني من البقر
.
وطبعا احنا كمسلمين نستخدم يا اما الجيلاتين النباتي او البقري وعلى فكرة في جيلاتين من الاسماك بعد
.
.
تذويب الجيلاتين يسبب مشاكل لبعض الناس لانهم مايعرفون طريقة تذويبه .. والطريقه المثالية هي:
.
🔹️نجيب كوب ونصب فيه الماء ويكون ساخن
🔹️نضيف بودرة الجيلاتين فوق الماء
🔹️وبدون تحريك ابداا .. نتركه خمس دقايق
🔹️راح يشرب الجيلاتين كل الماء ويصير كتله وحده .. عادي
🔹️نحط الكوب بالميكروويف نص دقيقه او على مغطس ماء ساخن
🔹️نحرك شوي وراح تلاقونه ذاب وتجانس وصار عندنا خليط شفاف وجاهز للدخول بأي وصفه
.
🔹️الافضل اضافة هذا السائل عالوصفه اثناء الخفق .. يعني نخفق احنا ونضيفه علشان لايتجمع بمكان واحد
.
🚩 المقدار الصحيح .. ملعقتين ونص صغار جيلاتين يعني حوالي ثمانية الى عشرة جرامات نذوبهم مع ربع كوب ماء ساخن
.
اذا عجبتكم المعلومه علموا غيركم عليها 👌🏻 ويعطيكم العافية
.
#افكار_كلحه #محمد_الكلحه
.
.
