وصفتين هذه اذا ما تدل لهم مطعم يضبطه لازم تتعلمها معي هنا من احلى وصفات المطبخ الباكستاني التندوري و الهندي رز الكمون 👌🏻
– تندوري :
- ٢ كيلو فخوذ دجاج
- زبادي نص كوب
- تمر الهندي نص باكيت
- زيت زيتون نص كوب
- عصرة ليمونه صفرا
- ملح ١ م ص
- بهارات : قرم ماسالا ١ م ك ، شات ماسالا ١ م ك ، بودره ثوم و زنجبيل ٢ م ك او معجون ، بودره بصل ١ م ك مليانه
- لونين طعام رشه
- نشا ٣ م ك
- اجواين ( نانخه ) ١ م ص مليانه و طبعا تقدرون تاخذون باكيت جاهز ل تكا من اي ماركة
تتبلون الفخوذ من الليله افضل
على طاوه على نار عاليه بدون زيت على كل جنب نتركه ٣ دقايق ثم نغطيه على نار هاديه نص ساعه او لين تستوي الفخوذ
– رز الكمون :
١ كيلو رز بسمتي ننقعه ١٥ دقيقه ثم في قدر نضيف سمن ٢ م ك و عليه ٢ م ك كمون اسود و نحمص ثم نضيف رز بعد ما نتخلص من ماي النقع و نقلب ٣ دقايق ثم نصب عليه ماي حار نتركه لين يبقبق و عليه نضيف رشة لون مخلوط مع ماي كادي و لا ننسى الملح على حسب رغبتكم و نغطي لين يستوي الرز و بالف عافيه ❤️
