أحدث الوصفاتالاطباق الرئيسية

《يخنة او مرق فول اخضر》

《يخنة او مرق فول اخضر》

اعشقها بلحم الموزات او الكتف ينفع 😋 مع انه موسمها الربيع بس لقيتها بالسوق وما طوفت الفرصه واشتريتها 😉👌

هذي طريقتها لمن طلبها ماخذها من الوالدة الله يرحمها 🌹

◾المقادير كمياتها اختياريه:

أول شي الافضل استخدام جدر الضغط لانه يوفر وقت كبييير .. ويجب غسل وتنظيف الفول من العروق وتقطيعه بحيث كل قرن فول يقطع ثلاث اقسام او قطع

🔹نبدأ بسلق اللحم الموزات أو أي جزء تحبونه .. تسلقونها مع بصله مقطعه انصاف وتشيلون الزفرة وبس ✋

🔹ترفعونها وتطفؤون النار لانها راح تكمل سلقها بعدين .. (خللو اللحم عجنب)

🔹بقدر الضغط نحمس أو نقلب بصل مفروم ناعم بزيت نباتي مخلوط بزيت زيتون

وبعدين ننزل عليه الفول الاخضر ونقلبهم لييييين يذبلون مو اقل من عشر دقايق مع التحريك

وتحطون عليهم راس ثوم مدقوق وربطة كزبرة خضرا مفرومه وملح وفلفل اسود وشوي كمون ونقلبهم (في ناس تضيف اوراق السلق)

🔹ننزل اللحم وماي اللحم نعبي القدر بالماء (ماء فوح اللحم طبعا) ونغطي القدر الضغط وتضغطونهم حوالي اربعين دقيقه او اكثر شوي وبالعافيه😊👌

#٢٠١٨_كلحه

4.5/5 - (2 صوتين)

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى