أحدث الوصفاتالحلويات

《مجوهرات كلحه》

《مجوهرات كلحه》
.
نزلت على مدار سنوات عدة وصفات لقيمات .. وكلهم ناجحين الحمدلله .. وكل وحده لها قوام مختلف .. هذي كانت الاكثر تميزا الصراحه
.
مقرمشة من برة و مفرغة من الداخل وما تذبل بعد مدة .. الكثير منكم جربها وحبها … وانتوا بعد جربوها وادعولي
.
وباذن الله نرجع نطبقها بفيديو قبل رمضان
.
◾المقادير:
.
🔹️2 كوب طحين ابيض
🔹️1 كوب ماء دافيء
🔹️1 كوب لبن شراب دافيء مو حليب ومو زبادي .. لبن نشربه
🔹️1 ملعقه متوسطة خميرة
🔹️نص ملعقه صغيرة باكنغ باودر
🔹️2 ملعقه صغيرة سكر
🔹️هيل وزعفران
🔹️1 بيضة مخفوقه
.
نخلط كل شي ماعدا الطحين والبيضة
.
ننزل الطحين بالتدريج ونحصل على عجينه ناعمه ونتركها تتخمر نص ساعه
.
نطلعها ونضيف البيضه المخفوقه ونخلط عدل ونبدأ بصب اللقيمات
.
الزيت يكون متوسط الحرارة .. النار فوق الوسط .. نبدا نصب اللقيمات بالملعقه او اليد .. حسب التعود
.
لازم نحركها باستمرار لاتخلونهم ابدا .. بياخذ وقت شوي
.
ننقلهم لشبك نصفي الزيت .. بس يكون واسع علشان لايذبلون وننقلهم على طبق الشيرة
.
لازم تكون ثقيله نفس العسل .. وبالعافية 😊👌
.
.

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى