أحدث الوصفاتالحلويات

《مافن بلوبيري وفانيلا》

《مافن بلوبيري وفانيلا》

مثل ماوعدتكم .. هذي طريقة اي مافن تشوفونه بالعااااالم اخذوووها مني وعلمتكم كيف ممكن نلعب بالمقادير وكل مرة نحصل على شي مختلف .. شوية تشجيع ومنشنات ماتضر ترى 😘😍

◾خليط النواشف:
🔸️كوبين طحين
🚩 اذا حابينها بنكهة كاكاو نستبدل ربع كوب طحين بربع كوب بودرة كاكاو خام مر

🔸️كوب فاكهة بلو بيري
🚩ممكن استبدالها بكوب مكسرات او فاكهه اخرى او حبيبات شوكولاته الخ الخ

🔸️نص كوب سكر
🚩ممكن يرتفع الى كوب اذا حابينها احلى

🔸️٢م.ص باكنغ باودر
🔸️نص م.ص كربونات
🔸️رشة ملح

◾خليط السوائل:

🔸️كوب حليب
🚩ممكن استبداله باللبن او زبادي .. لاينصح بالعصير بس ينفع
🔸️ربع كوب زيت
🚩ممكن يرتفع الى ثلث كوب اذا حابينها غنية moist اكثر

🔸️م.ص فانيلا
🚩ممكن استبداله بأي نكههة ثانية .. قهوة توفي فستق

🔸️بيضه
🚩ممكن تصير حبتين بيض صغار لطراوة اعلى

🚫🚫🚫🚫🚫🚫 جداااا مهم تعرفوا اننا اذا استخدمنا البدائل واستخدمنا الكميات الاعلى من المقادير ساعتها بنكون دخلنا بقوام الكيك وابتعدنا شوي عن قوام المافن

◾الطريقة:

🔹️اخلطوا النواشف على حدا جق جق جق
🔹️والسوائل على حدا جق جق جق
🔹️بعدين نضيف السوائل فوق النواشف ونصبهم بالقوالب ثلثين القالب فقط

🚩انا حطيت عالوجه بندق مجروش .. وشوي من خليط crumps اللي اهو سكر بني وزبدة وطحين مخلوطين باليد وبس

🔹️عالفرن مدة عشرين دقيقه حرارة ١٨٠ او حسب قوة فرنكم وبالعافية 😊👌🏻

#كب_مافن_كلحه #٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى