أحدث الوصفاتالحلويات

《كيكة البهارات والجوز》

《كيكة البهارات والجوز》

اخوي الكبير دايما يقولي .. سويلي كيكة ماما اللي بالجوز .. وكل ما سويتها .. يقولي حلوة .. بس مو نفسها .. ارجع اسويها يقولي قربت .. بس مو بالضبط 😏😥

بس هالمرة سويتها واول مرة مايقولي مو نفسها 😊 رحمة الله عليها كنت ايامها اخذ منها طرق وما اسجل او اهتم بتوثيق الوصفات

اخذوا عندكم هالكيكة الناطعه ال #لذيذة_لذاذة_اللذوذين_كلهم😋👌 وادعوا بالرحمة لأمي 💔

◾المقادير بالاكواب القياسية:

🔸️اول شي نجهز كوبين وثلث طحين وعليهم ملعقتين صغار باكنغ باودر ورشة ملح مع ملعقه صغيرة دارسين او قرفه وربع ملعقه بهار حلو وربع ملعقه جوز الطيب .. ونخليهم على جنب (خليط النواشف)

🔸️اربع حبات بيض تخفق بسرعه عالية مع كوب سكر وشوي فانيلا سائلة تررررررررررر لمن القوام ينتفخ ويصير لونه كريمي فاتح

🔸️نخفف السرعه للوسط ونضيف عليه كوب زيت نباتي ونكمل ترررررر بو نص دقيقة

🔸️الان .. نضيف نص خليط النواشف ونخلط ترررررر ثواني معدودة

🔸️نضيف كوب حليب سائل ونخلط تررررررررر

⚠️ ممكن استبدال الحليب السائل بكوب من الروب او الزبادي وبهالحالة نضيف نص ملعقه صغيرة كربونات الصودا للنواشف

🔸️نوقف المكينه ونضيف النص الثاني من النواشف ونخلطهم بالملعقه بطريقة التقليب بهدوء بشكل لولبي من تحت لفوق لما تتجانس المكونات

🔸️نضيف كوب جوز عين جمل مجروش ونكمل تقليب بالملعقه لمن تتجانس المكونات

🔸️نصب الخليط في قالب مدهون ومرشوش طحين وندخله فرن محمي مسبقا

🔸️على حرارة ١٨٠ والصينية بالوسط .. نشعل من تحت فقط

🔸️تاخذلها يمكن اربعين الى خمسين دقيقة وبالعافية 😊👌🏻

#كيكة_بهارات_كلحه #حلويات_كلحه

#٢٠١٨_كلحه

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى