أحدث الوصفاتالحلويات

《كعك بالحليب والسمسم》

هدية الويك اند .. كعك الحليب والسمسم .. من انجح والذ الوصفات على الاطلاق اقدمها لاحبتي متابعين صفحتي الجدد احتفالا بوصول صفحتي ل ٦٠٠الف متابع الحمدلله وماشاءالله 🙏🏻⚘

《كعك بالحليب والسمسم》

#لذيذة_لذاذة_اللذوذين_كلهم😋👌

المقادير

  • 3 كوب طحين ابيض
  • 1 كوب سكر ناعم الحبيبات وليس بودرة
  • 1 كوب سمنه او زبدة (استخدمت سمنة روابي)
  • نص كوب حليب سائل (واتوقع تاخذ معاكم ربع كوب زيادة بعد) .. المهم تكون عجينه متماسكه وملسا وماتكون ناشفه وتتكسر
  • 1 ملعقه كبيرة باكنغ باودر
  • 1 م.ك محلب .. واذا ماعندكم بهار كعك واذا ماعندكم مو ضروري حطوا بدالهم ربع م.ص قرفة
  • 1 م.ص فانيلا سائل او رشة من البودرة
  • رشة ملح
  • سمسم محمص للتغطية مع بياض بيضة

طريقة التحضير

🔹️بكل بساطه نخلط النواشف باليد جق جق جق (الطحين والسكر والملح والباكنغ باودر والمحلب والفانيلا)

🔹️نضيف عليهم السمنه ونفركهم باليد فركاا مبرحاا لما يصير قوامه مخملي نفس كأنه الغريبة

🔹️نضيف الحليب ونكمل خلط لما تتكون عجينه متماسكه

🔹️نبدأ ناخذ من العجينه ونكورها وبعدين نسويها بشكل طولي

🔹️ندهن الوجه ببياض بيضة يا دوبك مسحه بسيطه ونغمس الوجه بالسمسم

🔹️نصفهم بالصينية ونغطيهم عشر دقايق وندخلهم الفرن حرارة 180 من تحت وفوق والصينية بالوسط او اقرب للاسفل اكثر

🔹️عينكم عليها اذا اشقرت من تحت وفوق بعدها بيضا … نطفي تحت ونخلي فوق ونرفع الصينية لفوق شوي لما تشقر وبس .. وبالعافية 😊👌🏻

المصدر

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى