أحدث الوصفاتالحلويات

《كعك الاساور بالتمر بدون بيض》

المعمول والكعك مرتبط بذهني بعيد الفطر اكثر .. ولكن عدم وجوده بالعيد عموما يحسسني انه في شي ناقص 🤷🏻‍♂️

《كعك الاساور بالتمر بدون بيض》

#محمد_الكلحه #معمول_كلحه #لذيذة_لذاذة_اللذوذين_كلهم😋👌

المقادير

  • ٢ ونص كوب طحين
  • نص كوب سميد فرخه (بودرة)
  • ١ م.ص ملعقه صغيرة باكنغ باودر
  • ربع كوب سمسم
  • ملعقه كبيرة حبة البركه
  • ١ ملعقه كبيرة من بهار الكعك (استخدموا بهاراتي فيها محلب منها وفيها)😬🙈
  • لعقه وسط سكر بودرة عادية مو مليانه
  • ٢ م.ك مليانه قيمر او قشطه معلبة
  • نص كوب زيت نباتي
  • نص كوب سمنة ذايبة استخدمت روابي
  • علبة لبن روب (زبادي) الصغيرة ١٧٠ جرام

🔸️بالنسبه للتمر المعجون نعجنه مع شوي زيت زيتون وملعقه صغيرة من كلفة الكعك

طريقة التحضير

🔹️نضيف المواد الجافه مع بعض الطحين والسميد والسمسم وحبة البركه والبهارات والمحلب والباكنغ باودر والسكر ونخلطهم باليد

🔹️نسوي حفرة بالنص ونضيف الزيت والسمنه ونبدا نفركهم باليد جيدا لغاية مانحس ان الدهون تجانست بالمواد الجافه وتداخلت جيدا

🔹️تحسون قوامه نفس الغريبه .. قوام مخملي

🔹️الان نضيف اللبن والقيمر ونعجنهم بالعجانه او باليد عالاقل دقيقتين

🔹️نرفع العجينه ونطبقها باليد ونخليها ترتاح خمس دقايق ونبدا ناخذ منها جزء ونفردها بسماكه رقييقه جدا

🔹️نحشيها بالتمر ونلفها مثل الفيديو وندخلها الفرن .. نشعل تحت وفوق .. صينية بالوسط حرارة 190 .. لما تشقر من تحت .. نطفي تحت ونخلي فوق لمن تشقر من فوق ونطلعها وبالعافية 😊👌

5/5 - (1 صوت واحد)

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى