أحدث الوصفاتالاطباق الرئيسية

《قالب رز كفتة》

《قالب رز كفتة》

الموضوع ومافيه اني كنت ناوي اسوي كفته ومشروم مع باستا .. وتفاجأت بنص الطبخه ان ماعمدي باستا 😒 للحين بعرف من اخذها وانا حاطها بايدي 🤔 ماعلينا

#وصفات_كلحه #مقلوبة_كفتة_كلحه #لذيذة_لذاذة_اللذوذين_كلهم😋👌

🔸️طلعت كفته بقري مثلجه .. وقلبتهم بنتفه زيت بس اقووول

🔸️تقليب الكفته مو بالملعقه .. ابدا .. مجرد تحريك المقلى بشكل دائري وممكن استخدام الملقط لتشويحهم .. ورفعتهم على جنب

🔸️وبنفس الدهن قلبت بصل ذهبي شرايح رفيعه مع مشروم فريش و زودت شوي زبدة وقلبت لمن ذبلوا

🔸️اضفت ملعقه طحين وحده وقلبتها معاهم عدل بعدين

🔸️نزلت ماء عادي (ممكن اضافة ماء سلق لحم او اضافه مكعب مرق) ومعاها كريمه سائلة (ينفع طبخ وينفع خفق) مع العلم كمية الكريمه ضعف الماء

🔸️ونتفه ملح وفلفل ابيض وماحطيت بهار لان الكفته متبله ومبهرة اصلا

🔸️بعد ما سخنت الكريمه او الصلصة رجعت الكفته وغطيتهم وقصرت النار لمن تتخثر الصلصة

🚩 بهالمرحله ممكن اضافة الباستا المسلوقه مسبقا واضافه مطيبات واعشاب عطرية ويكون الطبق روعه بس لاني مالقيت باستا شسويت

🔸️قمت سلقت رز قصير الحبة صنوايت ثلاث ارباع السلق .. عملت ثلاث اكواب .. كل كوب بجدر صغير لوحده

• واحد ابيض بدون اضافات بس ملح (ابيضيكاا)
• واحد مع شوي كركم وملح (اصفريكاا)
• واحد مع ماء سلق شمندر وملح (احمريكاا)

🔸️دهنت قالب الكيك زبدة وحطيت حمسة الكفته بدون السوائل او الصلصة بالقاع .. وفوقها رتبت الرز ثلاث طبقات فوق بعض

🔸️رشيت على الرز عالوجه بمقدار ربع كوب من السوائل اللي كانت مع الكفته علشان الرز يصير له طعم

🔸️وغطيته بقصدير ودخلته الفرن ثلث ساعه من فوق وتحت .. وهذي النتيجه 😍😋

4.5/5 - (2 صوتين)

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى