أحدث الوصفاتالساندوتشات والمعجنات

《فطيرة سبانخ وفيتا يونانية》

《فطيرة سبانخ وفيتا يونانية》
.
الخطة كانت اسوي فطيرة بوريك تركية .. بعدين قررت اعتمد الطريقة اليونانية .. وترى ماتختلف كثير بس تعتبر اسهل شوي و #لذيذة_لذاذة_اللذوذين_كلهم😋👌
.
التركية .. فيها شغل اكثر .. نسوي العجينه الفيلو (الجلاش) ونرققها وبعدين نسلقها وحوسة .. اما اليونانية فطريقتها كالتالي:
.
◾للعجينه:
🔹️نص كيلو طحين
🔹️ثلث كوب زيت زيتون
🔹️ملعقه كبيرة خل ابيض
🔹️ملعقه صغيرة سكر
🔹️ملعقه صغيرة ملح
كوب ماء دافي للعجن
.
🔸️نخلط الطحين بكل المكونات ماعدا الماء .. نفرك الطحين باليد جيدا وبعدين نبدأ نضيف الماء ونعجن .. وبس تتماسك العجينه .. نكمل عجنها ثلاث دقايق عالاقل
.
🔸️نغطيها نتركها ترتاح (ما راح تنتفخ لان مافيها خميرة) بس لازم ترتاح
.
🔸️نطلعها ونقسمها ست اجزاء متساوية ونبدأ نفرد كل قطعه على حدا .. ولازم تكون رقيييييقه جدا وشفافه .. مو لازم استخدام العصا اللي بالفيديو .. اي شوبك ينفع
.
🔸️المميز بالعجينه اننا نرش عليها اثناء الفرد سميد ناااااااعم علشان لاتلزق معانا احنا ونفردها
.
🔸️وليس طحين مثل البوريك التركي وباقي المعجنات .. حتى ان البوريك التركي يرسو طحين ونشا بس بهذي نرش سميد
.
🔸️المهم نسوي ثلاث طبقات وبين كل وحده نرش زيت زيتون (نرش مو ندهن انتبهو)
.
🔸️نصب خليط السبانخ والفيتا ونرجع نحط ثلاث طبقات بنفس الطريقه
.
🚩ملحوظة: الطبقة العلوية يفضل تكون قطعه كامله تطلع احلى اما اللي تحت عادي لو كانو مقطعين ونرقعهم ماراح يبين
.
🔸️المهم نصفط الحواف الزايدة بشكل حلو وندهن الوجه بزيت زيتون وندخلها الفرن
.
🔸️محمي مسبقا حرارة ٢٠٠ والصينية وسط من تحت نشعل فقطط .. وممكن بالاخر نحمرها شوي وبالعافية 😊👌🏻
.
◾خليط السبانخ والفيتا:
.
🔹️بالمقلى نقلب بصل اخضر بالزيت ونضيف السبانخ مفروم خشن .. نرش ملح وفلفل اسود وبس يذبل وتنشف عنه السوائل نرفعه ونحطه بصحن
.
🔹️بس يبرد نضيف نعناع فريش وبقدونس وريحان وشبنت وكله فريش .. وشوي كريمه حامضه وحطيت شوي جبن ريكوتا وبرش ليمون كثيييييير وبالاخر جبن فيتا .. للاسف كانت طرية ماحبيتها في انواع فيتا تكون ناشفه شوي هي الافضل .. خلطتهم باليد وحشيت فيهم الفطيرة وبس
.
#فطيرة_سبانخ_كلحه #فطاير_كلحه #محمد_الكلحه
.
.
#٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى