أحدث الوصفاتالاطباق الرئيسية

《فطيرة بيض》

《فطيرة بيض》

🍳 بما اننا عطله 👌🏻 احفظوها وسووها لفطوركم باجر الأحد باذن الله .. بدون مبالغة .. من اطيب الفطاير و #لذيذة_لذاذة_اللذوذين_كلهم😋👌

اعجنوها حالا وحطوها تختمر بالثلاجه لباجر الصبح .. والصبح طلعوها تاخذ حرارة المطبخ بو نص ساعه واشتغلوا علطول

◾العجينه سهله وبالمللي مقاديرها بالاكواب القياسية:

🔸️٣ طحين
🔸️١ م.ك سكر
🔸️نص م.ص ملح
🔸️١ م.ك حليب بودرة
🔸️٢ م.ص خميرة فورية
🔸️ربع زيت نباتي
🔸️كوب وثلاث ارباع ماء دافيء

طريقة التحضير

🔹️اخلط النواشف وافركهم باليد مع الزيت بعدين اضيف الماء على دفعتين واعجنننننننننننن ٥ دقايق عاليد او مكينه كيفكم

🔹️بطبق مدهون زيت غطيتها جيدا ومنعت الهوا .. ودخلتها الثلاجه تختمر لليوم الصبح او تخلونها برة الثلاجه ساعه فقط بشرط تستخدم علطول

🔹️الصبح طلعتها نص ساعه وكشفت الغطا شوي .. وبعدين اخذت حرارة المطبخ وصارت ممتازة وفردتها وحطيتها بالقالب

🔹️باصابعي وبالسكين سويت ثقوب من كل الجهات علشان لاتنتفخ

🔹️حطيت بالقاع شرايح جبن سويسري .. او على راي ليون (جبنة توم وجيري) 😹

🔹️وصبيت فوقها خليط البيض (خمس حبات بيض ربع كوب كريمه حلويات سائلة وربع كوب حليب وملعقه كبيرة طحين وربع م.ص باكنغ باودر وملح وفلفل وبابريكا)

🔹️وعليهم شوي جبن موتزاريلا (لاتكثرون علشان لايصير البيض سائل بعد الاستواء) ورشة بقدونس

🔹️دهنت الاطراف الظاهرة من العجينه بالفرشاة من نفس خليط البيض اللي فيها

🔹️عالفرن محمي ٢٠٠ والصينية بالوسط .. وشوفوا شصار 👇🏻

🔹️خليتها يمكن ثلث ساعه تحمرت اطرافها والبيض استوى من الاطراف بس بالنص طري 🤔 خفت تحترق والبيض ما استوى

🔹️قمت رفعت الصينية لفوق شوي وغطيت حواف العجينه الظاهرة بقصدير (بس الحواف) وخليتها ثلث ساعه وااااخر شي فتحت النار فوق خمس دقايق والقصدير موجود

🔹️استوت وصارت تمام .. وعليكم بالعافية .. الفكرة اللي بوصلها .. كل فرن قوته وتوزيع حرارته تختلف عن غيره .. ومع الممارسة كل واحد يعرف كيف يتعامل معاه … مافي شي ثابت بالخبز .. طبعا اقصد افران البيوت

#فطاير_كلحه

#٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى