أحدث الوصفاتالاطباق الرئيسية

《رولات مسقعه كفته》

《رولات مسقعه كفته》
.
هالوصفه احسها انظلمت وااايد وكنت اتمنى تظهر بشكل يليق فيها لانها مبتكرة ومميزة وبكل امانه #لذيذة_لذاذة_اللذوذين_كلهم😋👌
.
سويتها عالهوا مباشرة والوقت سرقنا ومقدرت اكمل سواها بالفرن وتطلع بالشكل اللي كان ببالي
.
المهم ماعلينا .. خلوني اقولكم عنها وفكرتها وطريقتها وان شالله تعجبكم
.

المقادير

  • باذنجان مقطع بشكل طولي ومقلي او مشوي
  • كفته جاهزة او تحضير منزل مشوحه على النار بشوي زيت

طريقة التحضير

بعد مانشوح الكفته ونرفعها على صوب وبنفس المقلى نحط بهارات صحيحه كزبرة وكمون وشومر وفلفل اسود
.
نقلبهم بالزيت وبعدها نضيف بصل فرم نااااعم وثوم ونقلب الجميع لمن يذبلو
.
انزل كوب زبادي او روب بس مخفوق مسبقا علشان لايتكتل .. وبعدها نضيف صلصة البولونيز او صلصة الباستا واللي ماعنده يحط معجون طماطم ونحرك الجميع لما يتجانس
.
نضيف ملح وبهار وشطة مجروشة عالكيف .. واعشاب عطرية روزماري زعتر وهالسوالف ونحط توباسكو او دقوس حار
.
ونخليها عالنار تتسبك تمااااام .. بهالاثناء .. نحط داخل كل شريحة باذنجان حبة كفته ونلفها حواليها ونثبتها بعود اسنان ونخليهم على جنب
.
بطبق الفرن نحط الصلصة بالقاع وفوقها نصف رولات الباذنجان وعليهم جبن بارميزان وبقدونس
.
عالفرن ربع ساعه تحت وفوق حرارة ١٨٠ وبالعاااافية 👌🏻
.
#وصفات_كلحه #رولات_مسقعه_كلحه #رمضان_كلحه_٢٠١٨
.
.
#اختيار_كلحه #٢٠١٨_كلحه

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى