أحدث الوصفاتالساندوتشات والمعجنات

《خبز التوست الكلحاوي》

《خبز التوست الكلحاوي》
.
التوست المفروض ياخذ وقت بالتخمير وفيه اكثر من مرحله لكن اخترت لكم اسهل وصفة توست منزلي ممكن تسوونها بحياتكم .. بطريقه مبسطه والنتيجه #لذيذة_لذاذة_اللذوذين_كلهم😋👌
.
◾المقادير:
.
🔹️نص كوب حليب سائل دافيء
🔹️كوب ونص ماء دافيء
🔹️٣ ملاعق زبدة (٣٠جرام)
🔹️١ م.ص ملح
🔹️٢ م.ك سكر
🔹️٢ م.ك خميرة فورية (او ملعقه ونص مليانين)
🔹️٥ كوب طحين متعدد الاستعمالات (يفضل منخول)
.
#توست_كلحه #فطاير_كلحه
.
◾الطريقة:
.
🔸️نخلط الحليب والماء والسكر ونسخنهم .. بعدين نضيف الزبدة ونحرك لما تذوب الزبدة تماما
.
🔸️نحط الخليط بالمكينه ونخليهم لما يصير الخليط دافيء وتخف سخونته علشان لاتخرب الخميرة وتموت 🤒
.
🔸️نضيف الخميرة ونحرك الخليط ونتركه عشر دقايق علشان الخميرة تشتغل شوي
.
🔸️الحين نركب مضرب العجين ونبدا باضافة الطحين بالتدريج والملح طبعا
.
🔸️احتمال نحتاج ٥ اكواب ويمكن اقل بربع كوب .. انتو ضيفوا الطحين وعينكم عليه
.
🔸️الهدف تتماسك العجينه وتكون طرييييه وماا تلزق
.
🔸️نطلعها نعجنها باليد شوي 👊🏻 ونكورها ونحطها بطبق مغلف نايلون وبمكان مظلم تختمر (انا خليتها ٣٥ دقيقه)
.
🔸️طلعتها ورجعت ضربتها شوي 👊🏻👊🏻 واخذت منها مقدار بحجم القالب وسويتها بشكل اسطواني وحطيتها بالقالب ودهنتها (صفار بيضه + ٣ ملاعق حليب سائل)
.
🔸️غطيتها بفوطة نظيفه ورجعتها بمكان مظلم تختمر وتكمل ساعه (يعني خليتها ٢٥ دقيقه صار المجموع ساعه)
.
🔸️طلعتها ورجعت دهنتها بخليط البيض والحليب ودخلتها فرن محمي مسبقا حرارة ٢٠٠ من تحت فقططط والصينية بالثلث السفلي
.
🔸️بعد مرور ربع ساعه نزلت الحرارة ١٧٠ .. وخليتها تكمل الاربعين دقيقه (٢٥ دقيقه تقريبا) او حسب فرنكم
.
🔸️طلعتها وقلبتها على شبك .. تبرد دقايق وقصصتها وبألف عااافية .. الوصفه بتدمنون عليها
.
🚩 اعطونا تحفيز وتشجيع ياحلوين 👏🏻👏🏻👏🏻
.
وبالعافية 😊👌🏻 اكلناها مع صلصات كوت اند فيل الطبيعية بدونها ماينفع 😌 @coatandfill
.
لالا امزح 🤦🏻‍♂️🙈😂
.
.
#٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى