أحدث الوصفاتالحلويات

《تايغر سويسرول》

《تايغر سويسرول》
.
هذي الوصفة اللي قدمتها بحلقة امس من برنامج سفرتنا .. اعتمدت فيها على مهروس القرع يعني تقدرون تقولون انها كيكة قرع او سويسرول قرع 🎃
.
اخترت القرع لان لونه برتقالي ويناسب لون النمر او الفهد 🐯🐆 وممكن استبداله بمهروس الجزر او البطاط الحلو اللي يجي برتقالي
.
مقادير الكيك:
.
🔸️١ كوب طحين
🔸️نص م.ص باكنغ باودر
🔸️نص م.ص كربونات
🔸️نص م.ص قرفه (دارسين)
🔸️١ م.ص كاكاو بودرة
🔸️رشة ملح
🔸️٣ حبات بيض
🔸️١ كوب سكر
🔸️ثلثين كوب مهروس القرع
.
◾للحشوة:
🔸️كوب جبن كريمي
🔸️١ كوب سكر بودرة
🔸️٦ ملاعق كبيرة زبدة
🔸️١ م.ص فانيليا سائلة
.
◾الطريقة:
.
🔹️نخفق البيض والسكر والفانيليا ثلاث دقايق تررررررر لما يتحول لخليط نافش فاتح اللون
.
🔹️نضيف مهروس القرع ونخلط ترررررررر ثواني معدودة
.
🔹️نضيف خليط النواشف (طحين، باكنغ باودر، كربونات، ملح و الدارسين) على دفعتين ونخلط تررررررر لما يتجانس
.
🔹️ناخذ مقدار نص كوب من الخليط ونخلطه بالملعقه مع الكاكاو البودرة ونعبي الخليط الكاكاو بداخل كيس تزيين
.
🔹️نجهز صينية الفرن ندهنها زبدة ونحط عليها ورق الزبده .. تكون مستطيله مقاسها 15×10 انش
.
🚩 التزمو بالمقاس علشان تضبط معاكم
.
🔹️نصب خليط الكيك ونساوي السطح بالملعقه .. ضروري يكون الخليط متساوي الارتفاع
.
🔹️نمسك كيك الخليط الكاكاو ونسوي اشكال تشبه خطوط الفهد او النمر ونضرب الصينية عالطاوله عدة مرات
.
🔹️ندخلها فرن محمي مسبقا ١٨٠ .. يادوبك من تسعه الى احدعش دقيقه بسسسس
.
🔹️نطلعها وعلطول نقلبها على فوطه او على ورق زبدة يكون مرشوش سكر بودرة بكمية وفيرة
.
🔹️نرفع الصينية بعد مانقلبها ونشيل ورق الزبدة اللي لازق بالكيكة بهدوء
.
🔹️نلف الفوطة عالكيك بشكل سويسرول ونخليها تخف سخونتها بس خمس دقايق مو اكثر
.
🔹️نفتح الفوطة .. وندهن الحشوة ونرجع نلفها بس بدون الفوطة طبعا
.
🔹️نغلفها بورق نايلون وعالثلاجه تبرد ساعتين وبالعافية 😊👌🏻
.
🚩 خليط الحشوة .. مجرد اننا نخلط كل المقادير بالمضرب الشبكي ترررررررر وبس
.

#محمد_الكلحه #سويسرول_كلحه #حلويات_كلحه
.
.
#٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى