أحدث الوصفاتالحلويات

《بلوبيري كيك》


《بلوبيري كيك》

هذي الكيكة اللي قدمتها امس بحلقة برنامج سفرتنا .. وتعتبر بسيطه وسهله وناجحه

سكرها خفيف ومليانه بالفواكه و #لذيذة_لذاذة_اللذوذين_كلهم😋👌

المقادير

  • ١ وثلاث ارباع الكوب طحين
  • ٢ م.ص باكنغ باودر
  • رشة ملح
  • جرام زبدة بحرارة المطبخ
  • نص كوب سكر
  • بيضة واحدة
  • ١ م.ص فانيليا
  • ليمونة واحدة
  • نص كوب لبن سائل (لبن يعني لا زبادي ولا حليب)
  • كوب ونص بلوبيري + ١ م.ك طحين
  • ١ م.ك سكر لوجه الكيكة قبل الفرن

🚩 ملحوظه:
🔹️ممكن استبدال البلوبيري باللوز الشرايح المحمص مسبقا او اي مكسرات .. او زبيب مثلا بس رازبيري لااااا .. فراوله لاااا لانهم فيهم سوائل بتخرب الكيكة

#كيكة_بلوبيري_كلحه #حلويات_كلحه #محمد_الكلحه

طريقة التحضير

🔹️يدويا او بالخلاط اليدوي نخلط الزبدة والسكر عالاقل ثلاث دقايق تررررررررر

🔹️نضيف البيضه والفانيليا وبرش الليمون ونكمل خلط تررررررررر

🔹️نضيف نص خليط المواد الجافه (طحين باكنغ باودر وملح) ونخلط ترررررررر

🔹️نضيف اللبن ونكمل ترررررررر

🔹️ونحط باقي المواد الجافه ونخلط تررررررر وبكون الخليط ثقيل حيل .. عادي وممكن نكمل خلط بالملعقه جق جق جق

🔹️وأخير نضيف البلوبيري ونكون خالطينه بملعقة طحين علشان يسحب الرطوبة منه شوي

🔹️ونخلط بالملعقه جق جق جق .. وطبعا الخليط ثقيل .. اخلطوا قدر الامكان وموشرط يكون متجانس حيل .. العشواىية مطلوبه احيانا

🔹️نصب الخليط بصينية قصيرة الحواف مقاس ٩×٩ او اي صينية قريبة من هالحجم سواء دائرية او مستطيله

🔹️مدهونه شوية زبدة .. ونفرد الخليط .. وممكن نبلل ايدنا بالماء ونساوي السطح باليد

🔹️نرش ملعقه السكر عالوجه علشان تتحمر وشكلها يصير حلو وطعمها .. لان سكرها قليل اصلا

🔹️ندخلها فرن محمي مسبقا .. الرف بالوسط .. حرارة ١٩٠ او ١٨٠ وتقعد حوالي خمس وثلاثين دقيقه وبالعافية 😊👌🏻

5/5 - (1 صوت واحد)

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى