أحدث الوصفاتالاطباق الرئيسية

《باكورة المجلس》

《باكورة المجلس》😅👌🏻
.
الباكورة الهندية .. شفتها بحساب النائب صفاء الهاشم وطبقتها 🤤 #لذيذة_لذاذة_اللذوذين_كلهم😋👌
.
للتوضيح .. الباكورة هي وصفة هندية عبارة عن خضار مقلية .. تكون مخلوطه ومعجونه بشوية طحين نخي واي بهارات او صلصة تحبونها
.
كل الموضوع ان الاستاذة صفاء اضافت للخلطه كيس معكرونه نيء (غير مطبوخ) وبالتحديد المعكرونه الصغيرة elbow pasta علشان تقرررمش
.
وتسميتها باكورة المجلس .. هذي من بو داوود عمي سليمان القصار ⚘
.
◾الطريقة:
.
اي نوع من الخضار .. انا حطيت حبة جزر مبشور .. وبصلتين شرايح صغيرة ونص ربطة كزبرة وكوب فول اخضر حب مو بالقشر (مثلج) وحبتين فلفل هالابينو اخضر
.
خلطتهم واضفت ملح وبابريكا ورشة بهار ماسالا
.
بعدين اضفت نص كوب طحين عادى ونص كوب طحين نخى وفوقهم ملعقه صغيرة بيكنج باودر او كربونات ينفع وبالاخر كيس صغير حوالي كوبين معكرونه النيئة elbow
.
وعجنتهم بشوية ماي وملعقه صبار (تمر هندي) وتاباسكو
.
وبالملعقه صرت انزل بالزيت الغزير (ارتفاعه حوالي انش) وقلبتها عالصوبين لما احمرت وبالعافية 😊👌🏻
.
.
ترى الكميات تعتبر عالنظر انتو تحكمو فيها واحتمال تاخذ طحين اقل مو لازم هالكثر
.
.

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى