أحدث الوصفاتالحلويات

《انجلش باوند كيك》

《انجلش باوند كيك》

قبل الوصفه خل نعرف ايش يعني انجلش كيك!؟

انجلش كيك = باوند كيك = رويال فكتوريا كيك

كل هالانواع يعتمدوا على نفس المكونات تماما مع اختلاف بسيط لايذكر بنسبة البيض والزبدة

كلهم يعتمدوا على وجود الزبدة واذا دخل فيها الزيت .. فماصارت باوند كيك ولا انجلش ولا اسباني حتى 😏

انا سويت من قبل باوند كيك بعدة وصفات وسويت الفكتوريا واليوم نقدم لكم الانجلش كيك

#حلويات_كلحه #انجلش_كيك_كلحه #لذيذة_لذاذة_اللذوذين_كلهم😋👌

◾تفضلوا المقادير والطريقه:

🔸️٢ اصبع زبدة (مئتين جرام)
🔸️كوب ونص سكر بودرة او كوب سكر عادي ناعم الحبيبات

🔹️نخفقهم عدل مدل تررررررررررررر

🔸️نضيف عليهم خمس حبات بيض بالتوالي والتوازي 🙄 وبين كل بيضه والثانية ترررررر

🔸️بعدين نضيف شوية فانيلا سائله او بودرة عادي و ترررررررررر

⚠️ انا قربت الفيديو بهالخطوة علشان تشوفون شلون الخليط كأنه فاصل وغير متجانس عادي جدا (dont panic) 🙄

🔸️نكمل ونضيف كوبين طحين مخلوطين مع ملعقتين صغار باكنغ باودر و رشة ملح

🔸️نضيفهم على ثلاث دفعات وبين كل دفعه ودفعه ترررررررررر

🔸️اخر شي نرفع السرعه عدة ثواني ترررررررررررررر وخلصنا .. تلاحظون الخليط صار متجانس وجااااااااااامد

⚠️ بهذا الخليط مستحيل نضيف فيه فواكه مجففه ولا مكسرات وتنزل للقاع مستحييييل .. اللي يحط فواكه وتنزل تحت هذا يكون خليط كيك معمول بالزيت ويكون قوامه خفيف مو نفس هذا (في معلوم) 🙄

⚠️ اخر شي نضيف فواكه مجففه .. انا حطيت كرانبيري شاريهم من المنتجات التركية وشايفه بسلطان بعد وممكن تشترون بالكيلو من اي مطحنه

🔸️المهم نضيفهم ونخلط بالملعقه جق جق جق

🔸️نصبه بالقالب (مبطن بورق زبدة طبعا) وعالفرن حرارة ١٨٠ ياخذ معاكم ٤٠ دقيقه يمكن اكثر

🚩 بالنسبه للفرن .. كل فرن يختلف عن الثاني .. انا مثلا فرني حقير شوي .. بعد مرور ٢٠ دقيقه حسيتها احمرت من تحت والاطراف وفوق بعدها بيضا ومو منتفخه

🚩 خفت انطرها تنتفخ وتحترق ☻ قمت وحطيت تحت القالب صينية مرتفعه علشان ارفع القالب لفوق وخففت الحرارة ١٧٠

🚩 وخليته لغاية ٥٠ دقيقه وصارت اوكي 👌🏻

🌹 اذا قرأت الوصفه اكرمنا بتشجيعك وشكرااااا 😊👌🏻

#باوند_كيك_كلحه
#٢٠١٨_كلحه

5/5 - (1 صوت واحد)

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى