أحدث الوصفاتالاطباق الرئيسية

《المُغلي》

《المُغلي》
.
او حلو الكراوية .. يتقدم بلبنان وسوريا بمناسبة قدوم مولود جديد .. عارفينه؟؟؟
.
ايش عاداتكم عند قدوم مولود للبيت؟؟؟ والله يرزق الجميع
.
◾المقادير كالتالي:
🔹كوب رز مطحون بودرة
🔹1 ونص كوب سكر
🔹6 كوب ماء
🔹1 ملعقه صغيرة قرفه (دارسين)
🔹2 ملعقه كبيرة كراويه (محمص ومطحون)
.
🚩🚩 اقرأ تحت البوست السابق عن الكراويه
.
🔹في ناس تضيف ملعقه صغيرة يانسون بودرة بس انا ما احب
.
🚩🚩 قبل لا نشعل النار
.
🔸(باستعمال خفاقه يدوية) .. نحط بالقدر جميع المكونات بالتدريج ونحرك عدل على ما يذوب كل شي ببعض .. انا اضفتهم بالتدريج مافي سبب معين بس علشان الكمية تتجانس عدل
.
🔥🔥الحين نشعل النار
.
🔸(باستخدام ملعقه بلاستك) .. نستمر بالتحريك بشكل دائري ♼ وبشكل زائد + … علشان لايلصق شي بقاع الجدر وبهدوء
.
🔸لغاية ما نوصل للغليان .. الخليط بصير ثقيل ويطلع فقاعات كبيرة دليل الغليان
.
🔸نقصر النار عالاااااخر … وانا احط حديده اضافية واغطي الجدر واخليه عالنار ساعه ونص الى ساعتين
.
🚩🚩 أوووله .. ليش ساعتين … خو اسمه مغلي .. لازم يغلي ويتعقد او يتسبك او يتخثر او اللي تبونه 😅
.
🔸مع العلم … كل عشر دقايق افتح الغطا واعطيه تحريكه ♼+
.
نصب المُغلي باكواب فردية او كبيرة .. بيكون سائل لزج جدا …. نخليه يبرد عالاخر …. وبعدين ندخله الثلاجه لحين التقديم
.
الافضل يتقدم بعد الثلاجه بساعه مو اكثر لانه يقط ماي منه لو خليناه مده طويله
.
لاتدخلونه الثلاجه ساخن … بس طبعا ممكن تستمتعوا فيه دافي
.
عند التقديم نزينه بجوز الهند والفستق والجوز واللوز …. كلهم منقوعين ومقشرين وبالعافية 😊👌
.
.
#٢٠١٨_كلحه

 

قيم هذه الوصفة

Mohamed Alkalha محمد الكلحه

TV chef 📺 محمد الكلحه . Pharmacist 💊 hiding in a chef's jacket 👨🏻‍🍳 . Self taught 🇯🇴 🇰🇼 .
زر الذهاب إلى الأعلى