أحدث الوصفاتالشوربات

٣ شوربات رمضانية

٣ شوربات رمضانية

بهالفيديو حضرتلكم ٣ شوربات رمضانية سريعة جدا وطعمها مميز 👌

شوربة الجزر المشوي
شوربة الذرة
شوربة القرع

– شوربة الجزر المشوي:
بنقشر ٥ حبات جزر وبنقطعهم لقطع صغيرة وبنتبلهم ببابريكا وكمون وبنضيف عليهم زيت الزيتون وحبات من الثوم وبنحطهم بصينية وبنشويهم بالفرن.
بطنجرة بنحط زيت زيتون وبعدها بنضيف بصلة مفرومة ناعم وبش تذبل بضيف الجزر المشوي وبنزل عليهم مرقة الدجاج وبتركهم حتى يغلي وبطحنهم وبعدها بضيف الملح والكمون والكزبرة البودرة والخضرا واضفت الكريمة اختياري.

– شوربة الذرة مع الدجاج:
بنقطع صدر دجاج بعد ما نغسلو لمربعات صغيرة وبنتبلو بملح وفلفل اسود وبابريكا وبودرة ثوم وبنقليهم حتى يستوا
بطنجرة بضيف ٣ معالق كبيرة زبدة وبس تذوب بضيف ثلاث معالق كبيرة طحين بحركهم سوا بعدها بضيف كوبين حليب سائل مع كوبين ماء ونصف علبة ذرة وزن ٣٤٠ وبس يغلي ويثقل القوام بطحنوا وبعدها بضيف باقي كمية الذرة والدجاج بتركهم حتى تستوي الذرة بعدها بنتبل بالملح والفلفل الاسود والف صحة وهنا.

– شوربة القرع:
بنقطع القرع من الوسط وبنزيل البزر الابيض وبندهنها من جوا بزيت زيتون وبابريكا ومعجون الثوم وبنضيف معهم ٤ فص ثوم وبندخلهم الفرن حتى يستوا ويصير طري بنشيل اللب وبنتركو ع جنب
بطنجرة بنضيف زيت زيتون وبصلة مفرومة وحبة جزر مفروم وبنضيف عليهم لتر ماء (٤ اكواب) وبنتركهم حتى يستوي الجزر بنضيف لب القرع بنتركهم يغلو خمس دقايق بعدها بنطحنهم وبنضيف ملح وكمون وكزبرة خضرا وكريمة حسب الرغبة وبالعافية

المصدر: @linaarar_kitchen

قيم هذه الوصفة

اترك تعليقاً

زر الذهاب إلى الأعلى