أحدث الوصفاتالاطباق الرئيسية

ورق عنب لذيذ وحامض


( ورق عنب لذيذ وحامض 👌🏻🤤)

المقادير

  • حبتين بصل مفروم ناعم
  • حبتين طماطم مفروم ناعم
  • بقدونس 4 قبضات
  • نعناع قبضه وحده
  • كوبين رز مصري
  • ملعقه صغيره حامض الليمون ولو ماحصلتوه متوفر تقدرون تستبدلونه بصباره نقعوها بشوية مويه
  • ملعقه كبيره دبس الرمان
  • نص كوب عصير ليمون مذوب فيه مكعب ماجي
  • نص كوب زيت زيتون
  • شوي بهارات + ملح +شوي قرفه + فلفل اسود + شوي زنجبيل بودر
  • نص علبة ورق عنب

طريقة التحضير

نخلط المكونات اللي فوق ثم نصفيها من السوائل ونحشي ورق العنب ثم في قاع القدر نحط حلقات طماطم ثم حلقات بطاطس ثم نصف الورق عنب ثم نحط عليه نص كوب زيت زيتون + نص كوب عصير ليمون مذوب فيه ماجي ونذوب ملعقة معجون طماطم في نص كوب مويه ونضيفها ثم نضيف ملعقة نعناع مفروم مخلوط معها 5 فصوص ثوم مهروس وآخر شي نضيف مويه لما تغطي الورق عنب ثم نحط عليه صحن ثقيل ونغطيه ونخليه على نار عاليه لما يغلي وبعدها نقصر النار ع الاخر ونخليه يطبخ ساعه ونص وبعد الساعه ونص انتبهوااا تفتحون القدر خلوه برا يبرد أقل شي 4 ساعات او اذا كنتوا مستعجلين دخلوه ساعتين الثلاجه ( لان لو فتحتوه وهو حار راح يصير لونه اسود ) المهم بعد مايبرد قدموه وصفوا المويه الباقيه بالقدر وصبوا شوي منها عليه وعصروا عليه اكسترا ليمون بارد وبالعافيه 💕

 

قيم هذه الوصفة

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى