أحدث الوصفاتالحلويات

نيويورك شيز كيك

( نيويورك شيز كيك )

المقادير

– مكونات القاعدة:

  • ثلاث ارباع علبة كبيرة بسكويت داجستيف او علبة وشوي من الحجم الصغير
  • اصبع زبدة مذوّبه (١٠٠ غرام)

– مكونات طبقة التشيز:

  • ٨٠٠ غرام جبن فيلادلفيا او جبن مربعات
  • ثلاث ارباع كوب سكر
  • ٣ بيضات
  • ملعقة صغيرة فانيليا
  • ربع كوب كريمة خفق
  • علبة قشطة

– مكونات صوص الفراولة:

  • كوب فراولة مجمدة وممكن طازجة
  • ربع كوب سكر
  • ملعقة كبيرة نشا مذوّبه في ربع كوب ماء دافي

طريقة التحضير

نطحن البسكويت ثم نخلط معه الزبده ثم نرصه في قالب مدهون بزبدة وفيه ورق زبدة وندخله الثلاجه يتماسك على ما نسوي طبقة التشيز بعد كذا في وعاء نخلط الجبن مع السكر ثم نضيف لهم البيض بالتدريج ثم نضيف الفانيليا ونخلط واخر شي الكريمة والقشطه بعد كذا نصبهم على طبقة البسكويت وناخذ صينية اكبر نحط فيها ماء ونحط فوقها شبك ونحط قالب التشيز فوقه وندخله الفرن على درجة حرارة ١٧٠ مدة ساعة بعد الساعة نقفل الفرن ونفتح الباب ونخلي التشيز كيك يرتاح فيه بدون ما نطلعه مدة ساعة بعد عشان ياخذ راحته ويتكون القوام صح بعد الساعه ندخله الثلاجه ليلة كامله يتماسك كويس ويطلع بارد وبيرفكت👌🏻

وبالنسبة للصوص نحط الفراولة في قدر على النار مع السكر ونحركهم لما يغلون وتطلع موية الفراولة بعد كذا نطحنها يا بالفرامة او بخلاط العصير ثم نرجعها ع النار ونضيف لها ملعقة نشا مذوبة في ربع كوب ماء دافي ونحرك الصوص لما يثقل وبعد ما نرفعه عن النار نضيف له نص كوب ماء ساخن ونخلطه عشان نضمن ان قوامه يبقى سايل لفتره اطول ثم نغلفه وندخله الثلاجه يبرد
ووقت التقديم نقطعه ونقدمه مع الصوص وبالعافيه 😋🤍

قيم هذه الوصفة

هديل عبداللطيف

* Born in 1995 . * أحب السهل السريع للإعلانات وتصوير المنتجات دايركت 📥 الاحساء🌴 / snap👻:Hadeel_atf
زر الذهاب إلى الأعلى